الەمدەگى ەڭ قاۋىپتى ماماندىقتار

نۇر- سۇلتان. قازاقپارات - باستارىن بايگەگە تىگىپ، سىن ساعاتتا بىرەۋدى قۇتقارام دەپ ءوز ءومىرىن قۇربان قىلعان ادامدار از ەمەس.

بۇگىنگى اڭگىمەمىز الەم بويىنشا ەڭ قاۋىپتى دەپ تانىلعان 8 ماماندىق تۋرالى بولماق، دەپ جازادى massaget.kz.

1. ورمان بالتاشىسى. بۇل جۇمىس بيىكتىكپەن بايلانىستى، وعان قوسا ەلەكتروندى ارا جانە اعاش دايىندايتىن تەحنيكالارمەن جۇمىس ىستەۋگە تۋرا كەلەدى. ستاتيستيكاعا كوز جۇگىرتەر بولساق، 2008- جىلى وسى سالادا جۇمىس ىستەيتىن 116 ادام قازا تاپقان.

2. شاحتەر. جىل سايىن جۇمىس كەزىندە ورتا ەسەپپەن العاندا 50-60 شاحتەر قازا بولادى. مۇنداي جاعدايلار كوبىنە كومىر شىعارۋ كەزىندە بولاتىن جەردىڭ وپىرىلۋىنان جانە دە گاز بەن مەتانعا ۋلانۋدىڭ اسەرىنەن بولىپ جاتادى.

3. ءورت ءسوندىرۋشى. ءورت سوندىرۋشىلەردىڭ قاجىرلى دايىندىقتان ءوتىپ، توتەنشە جاعدايلاردىڭ الدىن الۋ جولدارىن ۇيرەنگەندەرىنە قاراماستان، ءتۇرلى جاراقاتتار الۋ مەن اپاتقا ۇشىراۋ مۇمكىندىكتەرى وتە جوعارى.

4. كوپ قاباتتى عيماراتتاردىڭ تەرەزەلەرىن جۋۋشى. بۇل وتە قاۋىپتى ءىس جانە تەرەزە جۋۋشىلار مىندەتتى تۇردە ارنايى دايىندىقتان وتۋلەرى قاجەت.

5. بيىكتىكتە جۇمىس ىستەيتىن ەلەكترمونتاجشىلار. وتە سيرەك كەزدەسەتىن ماماندىق. بىلە بىلسەڭىزدەر، مۇنداي جوعارى ۆولتتى لينيالارداعى جۇمىستاردىڭ كوبى جالاڭاش قولمەن اتقارىلادى.

6. ساپەر. 1996-2002-جىلدار ارالىعىندا ميناسىزداندىرۋ جۇمىستارى كەزىندە 500 دەن اسا ادام قازا تاپقان.

7. مۇناي ۇڭعىلارىن بۇرعىلاۋ. اتالعان ماماندىق اركىمنىڭ قولىنان كەلە بەرمەيدى. سەبەبى تاۋلىگىنە 12 ساعات جانعىشتىق قاسيەتىمەن ەرەكشەلەنەتىن ماتەريالدارمەن جۇمىس ىستەۋ وتە قاۋىپتى. بۇعان قوسا، بۇرعىلاۋشىلار جاعالاۋدان جۇزدەگەن كيلومەتر قاشىقتىقتا، وركەنيەتتەن اۋلاق دەرلىك جەردە جۇمىس ىستەيدى.

8. جاعا كۇزەتى جانە قۇتقارۋ قىزمەتى. سۋ اپاتتارىمەن كۇرەسە ءجۇرىپ، ادامداردى امان ساقتاپ الاتىن قۇتقارۋشىلار كۇن سايىن تاۋەكەلگە بارادى.