يسلام كاريموۆ كۇردەلى كەزەڭدە ورنىقتى مەملەكەت قۇرا الدى - كامال بۇرحانوۆ
«مەن ەڭ اۋەلى تاريحي تۇلعا، ۇلكەن ازامات، تاريحتا اتىن قالدىرىپ كەتكەن تۇلعا - يسلام كاريموۆتىڭ قازاسىنا بايلانىستى ءبىر تۋعان وزبەك اعايىندارعا ، باۋىرلاس مەملەكەت جۇرتىنا قايعىرا كوڭىل ايتامىن. ول كىسى كۇردەلى كەزەڭدە وزبەكستاندى ورنىقتى مەملەكەت رەتىندە قالىپتاستىرۋدا ۇلكەن ەڭبەك ءسىڭىردى»، دەدى ول.
«ءبىزدىڭ كورشىمىز وزبەكستان ەلى ورتالىق ازياداعى بارلىق ءتورت رەسپۋليكامەن دە شەكارالاسادى. ءبىز كورشى ەل، باۋىرلاس ۇلت رەتىندە وزبەك اعايىندارمەن تاتۋ- ءتاتتى ءومىر سۇرۋگە ءتيىسپىز. ءبىزدىڭ ەلدە دە وزبەك ۇلتىنىڭ وكىلدەرى مەكەندەيدى. وزبەكستاندا دا ءبىزدىڭ قانداستارىمىز تۇرىپ جاتىر. ءبىر وزەننەن سۋ ءىشىپ جاتىرمىز. تاريحىمىز ءبىر، ءتىلىمز ءبىر، ءدىنىمىز ورتاق تۋىسقان ەلمىز. سوندىقتان ءبىز تەك ەكى ەلدە قالىپتاسقان ىنتىماقتاستىقتى ودان ءارى نىعايتا بەرۋىمىز كەرەك، دەپ اتاپ ءوتتى كامال بۇرحانوۆ.
