12:43, 03 - قىركۇيەك 2016 | GMT +5
شاڭحاي ىنتىماقتاستىق ۇيىمى شتاب- پاتەرى وزبەكستان حالقىنىڭ قايعىسىمەن ورتاقتاسىپ، تۋلاردى تومەن ءتۇسىردى
استانا. قازاقپارات - شاڭحاي ىنتىماقتاستىق ۇيىمى شتاب- پاتەرىندە وزبەكستان حالقىنىڭ قايعىسىن ورتاقتاسۋ نيەتىمەن ۇيىمعا مۇشە مەملەكەتتەردىڭ تۋى تومەن ءتۇسىرىلدى، دەپ حابارلادى ش ى ۇ حاتشىلىعى.
ش ى ۇ باس اكىمشىلىك ورگانى - ونىڭ حاتشىلىعى وزبەكستان رەسپۋبليكاسى ۇكىمەتى مەن حالقىنىڭ قايعىسىنا ورتاقتاسۋ بەلگىسى رەتىندە ۇيىمعا مۇشە مەملەكەتتەردىڭ جالاۋىن تومەن ءتۇسىردى. 2016 -جىلعى 3 - قىركۇيەكتەن باستاپ وزبەكستاننىڭ تۇڭعىش پرەزيدەنتى يسلام ابدۋگانيەۆيچ كاريموۆتىڭ مەزگىلسىز قايتىس بولۋىنا بايلانىستى ءۇش كۇن ازا تۇتۋ جاريالاندى.
يسلام ابدۋگانيەۆيچ كاريموۆ - وزبەكستان رەسپۋبليكاسىنىڭ تۇڭعىش سايلانعان پرەزيدەنتى، مەملەكەت نەگىزىن قالاۋشى. ول شاڭحاي ىنتىماقتاستىق ۇيىمىن قۇرىلۋىنىڭ باسىندا تۇرعانداردىڭ ءبىرى، ونىڭ ىلگەرى دامۋىنا اۋقىمدى ۇلەس قوسقان. ۇيىمنىڭ جاڭا تۇردەگى بەدەلدى، ىقپالدى حالىقارالىق بىرلەستىككە اينالۋىنا زور ۇلەس قوسقان.
