10:09, 03 - قىركۇيەك 2016 | GMT +5
شوتلانديالىقتار ۇلى بريتانيا قۇرامىندا قالۋدى قولدادى
استانا. قازاقپارات - شوتلانديا تۇرعىندارىنىڭ باسىم بولىگى ۇلى بريتانيا قۇرامىندا قالۋدى قولدادى. ساۋالناما ناتيجەسى بويىنشا لوندون مەن ەدەنبۋرگ وداقتاستىعىن شوتلاندىقتاردىڭ 54 پايىزى قولداعان،
دەپ جازادى 24.kz.
سونداي- اق 49 پايىز تۇرعىن ەدەنبۋرگ لوندونمەن بىرگە بولسا ەكونوميكالىق تابىسقا كەنەلەدى دەپ سەنگەن. ساۋالناما يۋ- گوۆ الەۋمەتتىك قىزمەتى جانە مىڭداعان تۇرعىننىڭ قاتىسۋىمەن جۇرگىزىلگەن.
بۇعان دەيىن شوتلانديانىڭ ءبىرىنشى ءمينيسترى نيكولا ستەرجەن ەلدى كورولدىكتەن ءبولىپ الۋ ءۇشىن حالىق اراسىندا ۇگىت- ناسيحات جۇمىستارىن جۇرگىزەتىنىن مالىمدەگەن. ولاردىڭ مۇنداي باستامانى كوتەرۋىنە 23 - ماۋسىمدا ۇلى بريتانيانىڭ ەۋرو وداقتان ءبولىنۋ تۋرالى شەشىمى سەبەپ بولعان.
