يسلام كاريموۆ ەل باسقارعان جىلدار جاس مەملەكەتتىڭ جەتىستىگى كوپ بولدى - فوتو
يسلام كاريموۆ 1989 -جىلدىڭ 23 - ماۋسىمىنان 2016 -جىلدىڭ 2 - قىركۇيەگىنە دەيىن ەلدى باسقاردى. ول سوناۋ كەڭەس زامانىندا رەسپۋبليكالىق كومپارتيانىڭ ورتالىق كوميتەتىنىڭ ءبىرىنشى حاتشىسى رەتىندە بيلىك تىزگىنىن قولعا العان.
«وزبەكستاننىڭ تۇڭعىش پرەزيدەنتى يسلام كاريموۆ - ۇلى تاريحي تۇلعا، سول كىسىنىڭ ارقاسىندا ءبىزدىڭ رەسپۋبليكامىز تاۋەلسىزدىگىن الىپ، تاۋەلسىز دامۋ جولىندا زور جەتىستىكتەرگە جەتە ءبىلدى، جاس مەملەكەتىمىزدىڭ قيىن- قىستاۋ كۇندەرىندە سوعىس قاۋپىنەن امان قالىپ، جاعداي تۇراقتى قالىپتا ساقتالدى»، - دەپ ەسكە الادى ەل ۇكىمەتى مەن پارلامەنتىنىڭ وكىلدەرى.
كاريموۆتىڭ ەل باسىنا كەلگەن ۋاقىتى كەڭەس اسكەرىن 1989 -جىلى اۋعانستاننان شىعارۋ تۋرالى شەشىم قابىلدانعان ۋاقىتپەن تۇسپا- تۇس كەلدى. ول كەزدە اۋعان ەلىندە ازاماتتىق سوعىس ءالى دە ءجۇرىپ جاتقان بولاتىن؛ 1992 -جىلى تاجىكستاندا ەتنيكاارالىق قاقتىعىس بولىپ، قانتوگىس باستالدى. وزبەكستان باسشىسى وسى وقيعالاردىڭ بارلىعىندا دا ەلدى وڭىرلىك قاقتىعىستارعا ارالاستىرماي الىپ شىعا الدى جانە ەلدە ساياسي تۇراقتىلىقتى ساقتاي ءبىلدى، دەپ جازادى ت ا س س.
«بۇرىنعى توتاليتارلىق رەجىم كەزىندە الەم وسىنداي تاماشا مەملەكەتتىڭ، وزبەك سەكىلدى قايىرىمدى ۇلتتىڭ بارىن ءبىلدى مە؟» - دەگەن بولاتىن يسلام كاريموۆ تاۋەلسىزدىك كۇنىنە وراي سويلەگەن ءسوزىنىڭ بىرىندە.
يسلام كاريموۆتىڭ ەل بيلەگەن ۋاقىتىندا مەملەكەت كوپتەگەن حالىقارالىق ۇيىمداردىڭ مۇشەلىگىنە ءوتتى: ت م د (1991)، ب ۇ ۇ (1992)، ە ق ى ۇ (1992)، ح ۆ ق(1992)، ش ى ۇ (2001). وسىعان قاراماستان مەملەكەت نەگىزىنەن ءوزىنىڭ سىرتقى ساياساتىندا تىم اشىق بولۋعا باسىمدىق بەرۋدەن بويىن الىس ۇستاي وتىرىپ، ەكىجاقتى قارىم- قاتىناستىڭ دامۋىنا جول سالدى.
«بۇگىنگى تاڭدا ءبىر عانا قاراپايىم نارسەنى ۇعىنۋىمىز كەرەك: بۇگىنگى تاڭدا ءبىزدىڭ الدىمىزعا قويعان ەڭ ۇلى ماقساتتارىمىز - ءبىزدىڭ ەلىمىزدىڭ جارقىن بولاشاعى، ەلدىڭ ەرتەڭى، ەركىن ءومىر، امانشىلىق جانە 21 - عاسىردا وزبەكستان الەمدىك قاۋىمداستىقتا قانداي ورىن الاتىنى، - وسىنىڭ بارلىعى اۋەلى جاڭا بۋىنعا بايلانىستى بولادى»، - دەگەن ەدى يسلام كاريموۆ.
تاۋەلسىزدىك جىلدارىندا وزبەكستان ەكونوميكاسى 6 ەسە ءوستى. ونەركاسىپتىڭ ۇلەسى 14 پايىزدان 34 پايىزعا دەيىن ۇلعايدى. بولىپ جاتقان جاھاندىق قارجى- ەكونوميكالىق داعدارىسقا قاراماستان سوڭعى 11 جىل ىشىندە ەلدىڭ جالپى ىشكى ءونىمى (ج ءى ءو) كوپتەگەن ەلدەردىڭ قاتارىندا - 8 پايىزدىق دەڭگەيدە (ءوسىم) ساقتالۋدا.
«تاۋەلسىزدىك جىلدارىندا ءبىز ءارقاشان الىس جانە جاقىن شەتەلدەرمەن اۋەلى ءوزارا سىيلاستىق پەن ءبىر- ءبىرىنىڭ ۇلتتىق مۇددەلەرىن ەسكەرۋ نەگىزىندە قارىم- قاتىناس قالىپتاستىردىق. بۇدان بىلايعى ۋاقىتتا دا وسى بارلىق ەلدەرمەن ءوزارا ىقپالداستىقتى جانە دوستىق قارىم- قاتىناستى نىعايتا ءتۇسۋدى كوزدەيتىن ساياساتتى ۇستاناتىن بولامىز»، - دەپ اتاپ وتكەن يسلام كاريموۆ.
ق ر پرەزيدەنتى نۇرسۇلتان نازاربايەۆ ءوزىنىڭ كوڭىل ايتۋ جەدەلحاتىندا ەلدىڭ ەكونوميكالىق الەۋەتىنىڭ دامۋىنا، ونىڭ حالىقارالىق بەدەلىنىڭ وسۋىنە، قوعامنىڭ ءال- اۋقاتىنىڭ ارتۋىنا ىقپال ەتكەن اۋقىمدى وزگەرىستەردىڭ جۇزەگە اسىرىلۋى وزبەكستان رەسپۋبليكاسى تاۋەلسىزدىگىنىڭ باستاۋىندا تۇرعان يسلام كاريموۆتىڭ ەسىمىمەن بايلانىستى ەكەنىن اتاپ وتكەن ەدى.
«ول ءوزىنىڭ بۇكىل ءومىرىن تۋعان حالقىنا قالتقىسىز قىزمەت ەتۋگە ارنادى، ءاردايىم قازاقستاننىڭ سەنىمدى دوسى بولدى جانە ءبىزدىڭ حالىقتارىمىزدىڭ اراسىندا دوستىق پەن تاتۋ كورشىلىكتىڭ نىعايا تۇسۋىنە ۇلكەن ۇلەس قوستى»، - دەلىنگەن جەدەلحاتتا.
