استانا قارجى ورتالىعىنىڭ سوتىن قۇرۋعا لورد ۆۋلف كەننەتتى تارتۋ جايى قاراستىرىلدى

استانا. قازاقپارات - كەشە قازاقستان رەسپۋبليكاسىنىڭ باس پروكۋرورى جاقىپ اسانوۆ انگليا مەن ۋەلستىڭ ەكس- جوعارعى سۋدياسى لورد ۆۋلف كەننەت مىرزامەن كەزدەستى.

ۆەدومستۆونىڭ باسپا ءسوز قىزمەتىنىڭ حابارلاۋىنشا، كەزدەسۋ بارىسىندا قاتىسۋشىلار ەكىجاقتى ىنتىماقتاستىق، سونىڭ ىشىندە جەتەكشى حالىقارالىق زاڭگەرلەرمەن ءوزارا ارەكەتتەستىك جانە سوت ءوندىرىسى مەن اربيتراجدىق قىزمەتتىڭ رەفورمالانۋى اياسىندا سەرىكتەس ءوزارا قاتىناستىڭ دامۋ ماسەلەلەرىن تالقىلادى.

«استانا» حالىقارالىق قارجى ورتالىعىنىڭ سوتىن جانە اعىلشىن قۇقىعى نەگىزىندەگى حالىقارالىق اربيتراجدىق ورتالىقتى قۇرۋدا ۆۋلف مىرزانىڭ قاتىسۋ مۇمكىندىگى، سونىمەن قاتار استانا حالىقارالىق قارجى ورتالىعى اۋماعىندا سوت تورەلىگىن جۇزەگە اسىرۋدا تاجىريبەلى اعىلشىن سۋديالارى مەن اربيترلارىن جۇمىسقا تارتۋ جونىندە تاراپتار ءوزارا پىكىر الماستى.

تاراپتار ەكىجاقتى قاتىناستىڭ بولاشاعىن جوعارى باعالاپ، قۇقىقتىق سالادا ءوزارا ارەكەتتەستىكتى نىعايتۋعا نيەت ءبىلدىردى.