قىركۇيەكتە اۋا رايى قانداي بولادى؟
الدىن الا بولجام بويىنشا، كۇزدىڭ ءبىرىنشى ايىندا باتىس قازاقستان وبلىسىندا، اتىراۋدا، ماڭعىستاۋدا، قىزىلوردا جانە وڭتۇستىك قازاقستان وبلىستارىندا اۋا تەمپەراتۋراسى قالىپتى بولادى.
قالعان اۋماقتاردا اۋا تەمپەراتۋراسى نورمادان اسادى دەپ كۇتىلەدى. ەلىمىزدىڭ سولتۇستىك- باتىس ايماقتارىندا جانە وڭتۇستىك- شىعىس ايماقتارىنلا جاڭبىر قالىپتى جانە كليماتتىق نورمادان اسام جاۋادى دەپ بولجانىپ وتىر. قازاقستاننىڭ قالعان اۋماقتارىندا اۋا تەمپەراتۋراسى نورمادان تومەن بولادى دەگەن بولجام بار.
«الداعى ءۇش كۇندە بەلسەندى سيكلونداردىڭ اسەرىنەن ەلىمىزدىڭ باتىسىندا تۇراقسىز اۋا رايى ساقتالادى. ياعني، كەيبىر جەرلەردە جاڭبىر جاۋىپ، سولتۇستىك- باتىس جەلى سەكۋندىنا 15-20 مەترگە دەيىن كۇشەيەدى. اۋا تەمپەراتۋراسى كۇندىز 15-20 گرادۋستان 20-25 گرادۋسقا دەيىن كوتەرىلەدى»، - دەدى گيدرو ورتالىقتاعى بولجام باسقارمانىڭ باسشىسى گۇلميرا اقىشيەۆا.
ونىڭ ايتۋىنشا، 5 - قىركۇيەكتەن باستاپ بەلسەندى سيكلونداردىڭ باتىستان شىعىسقا وتۋىنە بايلانىستى ەلىمىزدىڭ بارلىق اۋماعىندا وتكىنشى جاڭبىر جاۋىپ، جەل سەكۋندىنا 15-20 مەترگە دەيىن كۇشەيەدى. ال 10-13 - قىركۇيەك ارالىعىندا اۋا تەمپەراتۋراسى تومەندەيدى. اۋا تەمپەراتۋراسى قوستانايدا، سولتۇستىك قازاقستان وبلىسىندا، پاۆلوداردا، شىعىس قازاقستان وبلىسىندا جانە قاراعاندىدا تومەندەيدى دەپ كۇتىلەدى. ال تۇنگى ۋاقىتتا ول ايماقتاردا اۋا تەمپەراتۋراسى تۇندە تومەندەپ، كۇندىز 12-20 گرادۋسقا دەيىن جىلى بولادى.
«قىركۇيەك ايىنىڭ ءۇشىنشى جارتىسىندا سالقىن لەپ پەن جىلۋ الماسىپ، اۋا تەمپەراتۋراسى اۋىسىپ تۇرادى. سونداي- اق، ەلىمىزدىڭ سولتۇستىك ايماقتارىندا جاڭبىر قارعا اينالۋى مۇمكىن»، - دەدى اقىشيەۆا.
ونىڭ ايتۋىنشا، بۇل بولجامدار ءدال كەلمەۋى دە مۇمكىن. الەمدەگى بىردە- ءبىر مەترولوگيالىق قىزمەت 100 پايىزعا اۋا رايىنا بولجام جاساي المايدى. سونىمەن قاتار، مامان «قازگيدرومەت» وكىلدەرىنىڭ ءبىر تاۋلىككە جاساعان بولجامى 90-95 پايىزعا ءدال كەلەتىنىن ايتىپ ءوتتى.
