ق ر قورعانىس ءمينيسترى ءىرى اسكەري پوليگونداردىڭ دامۋ باعىتتارىن بەلگىلەدى - فوتو
بۇل تۋرالى مينيسترلىكتىڭ باسپا ءسوز قىزمەتى حابارلادى.
قورعانىس ءمينيسترى تاراز قالاسىنداعى اۋەجايدىڭ اسكەري سەكتورىنا بارىپ، اسكەري بولىمدەردىڭ اۋەايلاقتارىنا ىرگەلەس ورنالاسقان نىسانداردىڭ قۇرىلىس جوسپارىن قاراستىردى. سەبەبى، قورعانىس مينيسترلىگىنىڭ جوسپارى بويىنشا مۇندا ۇ ۇ ا دايىنداۋ جانە جاۋىنگەرلىك قولدانۋ ورتالىعى قۇرىلادى. قايتا قۇراستىرۋ اۋدانى 50 مىڭ شارشى مەتر بولاتىن اسكەري ءبولىمنىڭ اۋەايلاقتىق ۋچاسكەسىندە بارلىق نىساندار سالىنىپ، جوندەۋدەن وتەدى.
ءدال وسى كۇنى قورعانىس ءمينيسترى «ءماتىبۇلاق» جانە «گۆاردەيسك» پوليگوندارىندا كەڭەس وتكىزدى. ويتكەنى، اتالعان نىساندار اۆياتسيانى، زىمىران اسكەرلەرى مەن ارتيللەريانى قولدانا وتىرىپ، ءىرى اسكەري وقۋ- جاتتىعۋلاردى ءبىر ۋاقىتتا وتكىزۋگە مۇمكىندىك بەرەتىن قازاقستانداعى اۋقىمدى جالپى اسكەري پوليگونداردىڭ ءبىرى بولىپ تابىلادى.
بۇگىنگى تاڭدا نەگىزگى باعىتتار بويىنشا دامىتۋدىڭ كەشەندى جوسپارى ازىرلەندى. وندا قۇرىلىس پەن جوندەۋدىڭ بارلىق نەگىزگى اسپەكتىلەرى كوزدەلگەن. ول كوماندالىق پۋنكتى، وق- ءدارى جانە اۆياتسيانى كەلتىرۋ پۋنكتتەرى، اتىس ورىندارى، تىكۇشاق الاڭى، 100 مەترلىك وق اتۋ تيرىنىڭ ۇيىندىلەرى، مودۋلدى كازارما مەن ب ءو پ- ءتىڭ سالىنۋى، كۋبريك ۇلگىسى بويىنشا كازارمالاردى قايتا جابدىقتاۋ، تازارىلمالى قۇرىلىستاردىڭ كۇردەلى قۇرىلىسى. سونداي- اق، اسكەري قالاشىقتىڭ ينفراقۇرىلىمىن اباتتاندىرۋ جانە كوركەيتۋ. «بەلگىلەنگەن جۇمىس قاتاڭ كەستە بويىنشا جۇرگىزىلۋى ءتيىس. دەمەك، بارلىق وتكىزىلەتىن شارالار 2017 -جىلدىڭ 1 - شىلدەسىنە قاراي اياقتالۋى قاجەت. جاۋاپتى ادامدار ورىندالۋ مەرزىمىن جانە جۇرگىزىلەتىن جۇمىستىڭ ساپاسىن قاداعالاپ وتىرعاندارى ءجون»، - دەدى يمانعالي تاسماعامبەتوۆ.
ودان باسقا، كۇردەلى جوندەۋ قاراعاندى گارنيزونىنىڭ «سپاسسك» وقۋ- جاتتىعۋ پوليگونىندا، استانانىڭ قىرقىنشى ستانساسىنداعى 68665 اسكەري ءبولىمىنىڭ اۋماعىندا جۇرگىزىلەدى جانە الماتى قالاسىنداعى قۇرلىق اسكەرلەرى اسكەري ينستيتۋتى وقۋ پوليگونىنىڭ وبەكتىلەرى قالپىنا كەلتىرىلەدى.
