ەلوردا قىزىلوردا وبلىسىنىڭ جارمەڭكەسى وتەدى
بۇل تۋرالى بۇگىن ق ر پرەزيدەنتى جانىنداعى ورتالىق كوممۋنيكاتسيالار قىزمەتىندەگى بريفينگتە قىزىلوردا وبلىستىق اۋىل شارۋاشىلىعى باسقارماسىنىڭ باستىعى باقىت جاقانوۆ ءمالىم ەتتى.
«جارمەڭكە باۋىرجان مومىش ۇلى داڭعىلىعىنداعى وقۋشىلار سارايى ماڭىنداعى كولىك تۇراعىندا وتەتىندىگى جوسپارلانعان. قازىر ۇيىمداستىرۋ جۇمىستارى جۇرگىزىلىپ جاتىر. جارمەڭكە 3-4 - قىركۇيەك كۇندەرى وتەدى. وعان قاتىسۋ ءۇشىن وبلىسىمىزدان 50 كاسىپكەر كەلدى، ولار جالپى سالماعى 380 توننانى قۇرايتىن اۋىل شارۋاشىلىعى ونىمدەرىن 26 كولىكپەن اكەلدى»، - دەدى ب. جاقانوۆ.
سونىمەن قاتار ول ەلوردالىقتار مەن قالا قوناقتارىن جارمەڭكەگە شاقىردى.
«ەڭ ءبىرىنشى كەزەكتە وبلىسىمىزدىڭ اتىن شىعارعان كۇرىشىن مولىنان اكەلدىك. مۇنان بولەك، ەت، قىمىز، شۇبات جانە باسقا دا اۋىل شارۋاشىلىعى ونىمدەرىن جەتكىزدىك. ونىمدەرىمىزدىڭ باعاسى ەلوردا بازارلارىنان 15-20 پايىزعا ارزان بولادى. بارلىقتارىڭىزدى جارمەڭكەدە كۇتەمىز»، - دەدى باسقارما باسشىسى.
اۆتور: مارلان جيەمباي
