ۇلتتىق وليمپيادا كوميتەتى ريو- دە- جانەيروداعى بەلسەندى قىزمەتى ءۇشىن «قازاقپارات» ءتىلشىسىن ماراپاتتادى
سونىمەن قاتار، ۇ و ك پرەزيدەنتى تيمۋر قۇلىبايەۆتىڭ باستاماسىمەن ريوداعى دودادا قىزمەت ەتكەن ب ا ق وكىلدەرىنە ارنايى سىياقى تاعايىندالعان. ولاردىڭ اراسىندا «قازاقپارات» حالىقارالىق اقپارات اگەنتتىگىنىڭ ءتىلشىسى كۇنسۇلتان وتارباي دا بار.
ەسكە سالا كەتەيىك، وليمپيادا بارىسىنان حابار تاراتۋعا ۇلتتىق وليمپيادا كوميتەتى تاراپىنان اككرەديتتەلگەن قازاقستاندىق 24 جۋرناليست، برودكاستەرلەر جانە حالىقارالىق وليمپيادا كوميتەتى تاراپىنان تىركەلگەن 1 جۋرناليست مۇمكىندىك العان بولاتىن. ال قازاقستاننىڭ ۇلتتىق وليمپيادا كوميتەتىنىڭ باسشىسى تيمۋر قۇلىبايەۆ جۋرناليستەرمەن ريو تورىندە جۇزدەسكەندە تىلشىلەر جۇمىسىن جوعارى باعالاپ، سپورت جۋرناليستەرىنىڭ حابار تاراتۋ شەبەرلىگىنە ريزاشىلىعىن بىلدىرگەن ەدى. ءوز كەزەگىندە قازاقستاندىق جۋرناليستەر ريو- دە- جانەيرودان ارنايى باسپا ءسوز ورتالىعىن ۇيىمداستىرىپ، جۇمىس ىستەۋ ءۇشىن جاعداي جاساعان وليمپيادا كوميتەتىنىڭ باسشىلىعىنا العىس ايتقان بولاتىن.
بۇگىن ۇلتتىق وليمپيادا كوميتەتىنىڭ باس حاتشىسى دانيار ابۋلعازين مەن مادەنيەت جانە سپورت ۆيتسە- ءمينيسترى ساكەن مۇسايبەكوۆ ب ا ق وكىلدەرىنە العىس حات پەن ارنايى سىياقىنى تابىس ەتتى.
اۆتور: قانات مامەتقازى ۇلى
