وزبەكستان تەلەارنالارى حابار تاراتۋ كەستەسىن قايتا قارادى

استانا. قازاقپارات - 2 - قىركۇيەكتە وزبەكستان مەملەكەتتىك تەلەارنالارى حابار تاراتۋ كەستەسىن قايتا قارادى، دەپ حابارلادى gazeta.uz.

 9.00-دە وزبەكستان تەلەارناسىنىڭ «احبوروت» اقپاراتتىق باعدارلاماسى ارنايى شىعارىلىمدا وزبەك جانە ورىس تىلدەرىندە مەملەكەت باسشىسىنىڭ جاعدايى تۋرالى ۇكىمەتتىڭ حابارلاماسىن تاراتتى. سوسىن بۇل باسقا ارنالاردان كورسەتىلدى.

 ارنالاردان جارناما، تەلەسەريالدار، كەيبىر كوركەم فيلمدەر، ويىن- ساۋىق باعدارلامالارى الىنىپ تاستالدى. ونىڭ ورنىنا وزبەكستاننىڭ تاريحى، مادەنيەتى، ءتۇرلى سالالار مەن تاۋەلسىزدىك جىلدارداعى قايتا قۇرۋ كەزەڭدەرىندەگى ەلدىڭ جەتىستىكتەرى كورسەتىلۋدە.