17:02, 03 - قىركۇيەك 2016 | GMT +5
وزبەك ەلشىسى ەلباسى مەن قازاقستان حالقىنا قولداۋ كورسەتكەنى ءۇشىن العىس ايتتى
الماتى. قازاقپارات - قازاقستان رەسپۋبليكاسىنداعى وزبەكستاننىڭ توتەنشە جانە وكىلەتتى ەلشىسى يكروم نازاروۆ مەملەكەت باسشىسى نۇرسۇلتان نازاربايەۆ پەن قازاقستان حالقىنا قولداۋ كورسەتكەنى ءۇشىن العىس ءبىلدىردى.
«قازاقستان رەسپۋبليكاسىنىڭ پرەزيدەنتى اسا مارتەبەلى نۇرسۇلتان نازاربايەۆ مىرزاعا ەلىمىزدىڭ وسىنداي قايعىلى كەزىندە جىلى سوزدەرى مەن قولداۋ بىلدىرگەن سوزدەرى ءۇشىن العىس ايتۋعا رۇقسات ەتىڭىزدەر. سونداي- اق تاڭەرتەڭنەن باستاپ ەلشىلىككە كەلىپ گۇل شوقتارىن قويىپ، باۋىرلاس وزبەك حالقىنا كوڭىل ايتقان قازاقستان تۇرعىندارىنا ەرەكشە العىس بىلدىرۋگە رۇقسات ەتىڭىزدەر»، - دەدى يكروم نازاروۆ.
ەسكە سالا كەتسەك، 2 - قىركۇيەكتە 78 جاسىندا وزبەكستاننىڭ تۇڭعىش پرەزيدەنتى يسلام كاريموۆ باقيلىق بولدى. قازىر سول ەلدە ءۇش كۇندىك قارالى كۇن جاريالانعان.
