الماتىداعى تۇيەقۇسپەن ۆيدەونىڭ قۇپياسى اشىلدى
الماتى. قازاقپارات - 2016 -جىلعى 31- تامىزدا قازنەت، سونداي-اق The Sun (ۇلى بريتانيا) ، Daily Mail (ۇلى بريتانيا)، Herald Sun (اۆستراليا)، reddit.com, 9gag.com سياقتى شەتەلدىك الاڭدار الماتىدا ءال-فارابي داڭعىلىندا جۇگىرىپ وتكەن تۇيەقۇسپەن ۆيدەونى تالقىلادى. تاۋلىك ىشىندە ول 5 ميلليون كورەرمەن جينادى. ون مىڭداي ءلۇپىل، جۇزدەگەن ءازىل، پىكىرلەر جازىلدى.
بۇل روليك «استانا بانك» ا ق جارنامالىق ناۋقانىنىڭ بولىگى بولىپ شىقتى.
«استانا بانكى» كومانداسى مۇشەلەرىن مۇنداي ويعا كوپشىلىگىمىزدىڭ ءىش پىستىرارلىقتاي ءومىر ءسۇرىپ جاتقاندىعىمىز يتەرمەلەگەن.
«ومىردە ادامدار كۇيكى تىرلىكتىڭ قۇلىنا اينالعانداي، قىزىقتى وقيعالاردى از كەشەدى. ءومىردىڭ ءوزى وتپەلى، ولشەۋلى. بوس ارمانعا بەرىلمەي، ىسكە كوشىپ، ارمانىمىزدى شىندىققا اينالدىرۋعا اسىققان ءجون. ەرەكشە جاعدايدا جەلىگە شىققان ۆيرۋستىق روليك بىزدەردىڭ ارمانداردىڭ ورىندالاتىنىنا سەنە بەرمەيتىنىمىزدى دالەلدەگەندەي»، - دەپ اتاپ ءوتتى بانكتە.
