الەم چەمپيوناتى: قازاقستان قورجىنىنا تاعى ءبىر كۇمىس مەدال ءتۇستى

 استانا. قازاقپارات - فرانسيانىڭ ماكون قالاسىندا كۇرەس تۇرلەرى بويىنشا ءوتىپ جاتقان جاستار اراسىنداعى الەم چەمپيوناتىنىڭ ءۇشىنشى كۇنى قازاقستان قورجىنىنا تاعى ءبىر كۇمىس مەدال ءتۇستى.

  ق ر مادەنيەت جانە سپورت مينيسترلىگى سپورت جانە دەنە شىنىقتىرۋ ىستەرى كوميتەتىنىڭ باسپا ءسوز حاتشىسى باقىتبەك ءحاميتتىڭ حابارلاعانىنداي، قىزدار كۇرەسى بويىنشا سۆەتلانا انكيچيەۆا 44 كەلى سالماقتا كۇمىس جۇلدەگەر اتاندى. قازاقستاندىق پالۋان العاشقى بەلدەسۋىندە تايپەيلىك قارسىلاسىن 10:0 ەسەبىمەن تازا جەڭسە، سوسىن ءۇندىستاندىقتى 8:3 ەسەبىمەن قاپى قالدىردى. سودان كەيىن رەسەيلىكتى 4:2 ەسەبىمەن ۇتقانىمەن، فينالدا عانا قارسىلاسىنا ەسە جىبەردى.

 ەسكە سالا كەتەيىك، بۇعان دەيىن گرەك- ريم كۇرەسىنەن باتىسقازاقستاندىق پالۋان قاھارمان قيسمەتوۆ 66 كەلى سالماقتا سوڭعى بەلدەسۋگە دەيىن جەتىپ، كۇمىس جۇلدەنى يەلەنگەن بولاتىن. ال ونىڭ الدىندا تاعى ءبىر قازاقستاندىق تەمىرلان شادۋكايەۆ گرەك- ريم كۇرەسىنەن 74 كەلى سالماقتا جاستار اراسىنداعى الەم بىرىنشىلىگىنىڭ التىن مەدالىن جەڭىپ العان ەدى.