وليمپيادانىڭ كۇمىس مەدالىن الۋدان باس تارتتى

استانا. قازاقپارات - ءۇندىستاندىق بالۋان يوگەشۆار داتت قازا بولعان رەسەيلىك بەسيك كۋدۋحوۆتىڭ كۇمىس مەدالىن الۋدان باس تارتتى.

سپورتشى مەدالدىڭ كۋدۋحوۆتىڭ وتباسىندا قالعانى دۇرىس دەپ ەسەپتەيدى.

يوگەشۆار جەلىدەگى پاراقشاسىندا كۋدۋحوۆتىڭ كەرەمەت بالۋان ەكەنىن ايتا كەلە، ءبىرىنشى كەزەكتە ادامگەرشىلىك تۇرۋى ءجون ەكەنىن جازدى.

بەسيك كۋدۋحوۆ - ۇلى بالۋان. ونىڭ قازاسىنان كەيىن دوپينگ تەكسەرىسىنىڭ وڭ بولىپ شىققانى وكىنىشتى. مەن ونى ويىنشى رەتىندە وتە قۇرمەتتەيمىن، - دەپ جازادى ول.

مەدالدىڭ كىمدە قالاتىنى ازىرگە بەلگىسىز. وليمپيادا ەرەجەسىنە ساي، ەگەر سپورتشى شەتتەتىلگەن مەدالدان باس تارسا، وعان مەدالدىڭ كوشىرمەسى بەرىلۋى كەرەك.

30- تامىز كۇنى 2013-جىلدىڭ 29- جەلتوقسانىندا جول اپاتىنان قازا بولعان 27 جاستاعى بەسيك كۋدۋحوۆتىڭ 2012-جىلعى وليمپيادادا العان كۇمىس جۇلدەسى دوپينگ سىناماسى وڭ ناتيجە بەرگەنى ءۇشىن قايتارىلاتىنى جاريالانعان.

21- تامىز كۇنى ريو وليمپياداسىندا رەسەيلىك سوسلان رامونوۆ ءازىربايجاندىق توگرۋل اسكەروۆتى جەڭىپ، سوڭعى 19- التىن مەدالدى يەلەندى. اسكەروۆ لوندون وليمپياداسىندا كۋدۋحوۆتى جەڭىپ، التىن مەدالدى ولجالاعان ەدى. رامونوۆ وسى جەڭىسىن كۋدۋحوۆقا ارناعان بولاتىن.

stan.kz