گولوۆكين تابىستى بوكسشىلار تىزىمىندە ەكىنشى ورىنعا كوتەرىلدى

استانا. قازاقپارات - Forbes جۋرنالىنىڭ سايتى ءوزىنىڭ سالماقتان تىس كوممەرتسيالىق تابىستى بوكسشىلار ءتىزىمىن جاڭارتتى، دەپ جازادى Sports.kz.

ۇزدىك وندىقتاعى العاشقى ورىن رومان گونسالەستى جەڭگەن ساۋل الۆارەسكە تيەسىلى. ءۇشىنشى ورىندا تۇرعان گەننادي گولوۆكين ءبىر ساتى كوتەرىلىپ، ەكىنشى ورىنعا جايعاستى. تايسون فيۋري مەن ۆلاديمير كليچكو ءۇشىنشى ورىندى ءبولىستى.

«الۆارەسپەن كەزدەسپەسە دە، ورتا سالماقتاعى كەلل برۋكپەن جەكپە-جەككە شىعاتىن گولوۆكين، ءسوزسىز، ادەتتەگىدەي جۇرتشىلىقتىڭ نازارىن اۋدارىپ، مول پايداعا كەنەلەدى. گولوۆكين ومىرىندەگى ەڭ تابىستى جەكپە-جەكتى وتكىزە الادى. تەك 34 جاستاعى بوكسشى ءوزىن كارى سەزىنبەي، مۇمكىندىكتى كۇتۋى كەرەك»، - دەپ جازدى باسىلىم.

كەيىنگى ورىندار مىنا بوكسشىلاردىڭ ەسىمىمەن تولىقتى:

4. اندرە ۋورد

5. سەرگەي كوۆاليەۆ

6. دەونتەي ۋايلدەر

7. كيت تۋرمان

8. تەرەنس كروۋفورد

9. ەررول سپەنس

10. فلويد مەيۆەزەر.