ادۆوكات بايان ەسەنتايەۆانى كۇيەۋىنىڭ نەلىكتەن اياۋسىز پىشاقتاپ تاستاعانىن ايتتى

استانا. قازاقپارات - باقىتبەك ەسەنتايەۆتىڭ ادۆوكاتى ءوزى قورعاپ وتىرعان ايىپتىنىڭ نەلىكتەن جاۋىزدىق ارەكەتكە بارعانىن ايتىپ بەردى.

بۇل تۋرالى today.kz حابارلايدى.

بەكبولات جەكسەيىتوۆتىڭ ايتۋىنشا، تانىمال پروديۋسەر بايان ەسەنتايەۆانىڭ كۇيەۋى وتباسىن ساقتاعىسى كەلەدى جانە قازىر ءوز ىسىنە وكىنىپ وتىر ەكەن.

«ول ءوزىنىڭ كەلىنشەگىنە مورالدىق جانە فيزيكالىق شىعىن كەلتىرگەنى ءۇشىن وكىنىپ وتىر. ول باياندى ولتىرگىسى كەلمەگەن، تەك ونى ءوز وتباسىندا ساقتاعىسى كەلگەن. سول سەبەپتى وسىنداي قادامعا بارعان. ەسەنتايەۆا كۇيەۋىنىڭ رۇقساتىنسىز شەتەلگە كەتىپ قالعان. ال ول ءوز كەزەگىندە بۇل ارەكەتكە رەنجىپ قىزعانىش تانىتقان. ءسىرا، بايان اجىراسۋ تۋرالى وي ايتسا كەرەك. ال باقىتبەك وتباسىنىڭ اجىراعانىن قالاماعان. كۇيەۋىنىڭ بۇل قالاۋىنا ول بولسا كەلىسپەگەن، ءسويتىپ قاتتى ۇرىس كەزىندە ابايسىزدا پىشاق سالىپ الادى. ارينە، ول قاتتى وكىنەدى. ويتكەنى، ول قانشا دەگەنمەن ەكى قىزىنىڭ اناسى»، - دەيدى بەكبولات جەكسەيىتوۆ.

ماۋسىمنىڭ 10 ى كۇنى بايان ەسەنتايەۆانى كۇيەۋى سوققىعا جىعىپ، ءۇش جەرىنەن پىشاقتاعان بولاتىن. ارتىنشا پروديۋسەرگە 3 ساعات بويى وتا جاسالىپ، كۇيەۋى باقىتبەك ەسەنتايەۆ قاماۋعا الىنعان. قايعىلى وقيعا تالعار اۋدانىن تراسساسىندا بولعان. پروديۋسەر ماۋسىمنىڭ 19 ى كۇنى اۋرۋحانادان شىعارىلدى.

قازىر باقىتبەك ەسەنتايەۆ تەرگەۋ يزولياتورىندا. ونىڭ ارەكەتىنە قاتىستى سوتقا دەيىنگى تەكسەرۋ جۇمىستارى باستالىپ كەتكەن. وعان «ولتىرۋگە ارەكەتتەندى» دەگەن قىلمىستىق كودەكستىڭ بابى نەگىزىندە ايىپ تاعىلۋدا. 3- تامىز كۇنى بايان ەسەنتايەۆانىڭ كۇيەۋىنىڭ قاماۋدا ۇستاۋ مەرزىمى تاعى ءبىر ايعا ۇزارتىلعان ەدى.