عالىمدار: قاجىرلى ەڭبەك دەنساۋلىققا زيان

استانا. قازاقپارات - دانيا مەن ا ق ش عالىمدارىنان قۇرالعان توپ ەڭبەكقور جانداردىڭ ءجيى اۋىراتىنىن انىقتادى.

عالىمدار دانيا ءوندىرىس كاسىپورىندارىنىڭ جۇمىسشىلارىنىڭ دەنساۋلىعىن تەكسەردى. ونداعى ايەل-جۇمىسشىلاردىڭ دەنساۋلىعى جىلدان-جىلعا ناشارلاپ بارا جاتقانى انىقتالدى. تىنباي ەڭبەك ەتەتىن ەرلەر اراسىندا دا ءدال وسىنداي جاعداي.

ايەلدەر ەكسپورت كولەمى كوبىرەك كاسىپورىنداردا جۇمىس ىستەگەن جانە وندا دەپرەسسياعا ۇشىراۋ وقيعاسى ءجيى كەزدەسكەن. اۋىر دەپرەسسيا وقيعالارىنىڭ سانى %2,5 جەتكەن. ءوندىرىس كولەمى %10 ۇلعايعاندا، وندا جۇمىس ىستەيتىن ايەلدەردىڭ جاراقات الۋ جاعدايى %6 وسكەن. جۇرەگى ناشارلاپ اۋرۋحاناعا تۇسكەندەر كولەمى %15 جوعارىلاعان.

جۇمىس ورنىندا وتە كوپ جۇكتەمە العان ەرلەر دەنساۋلىعى دا وتە ناشار. ءبىراق، ولارعا قاراعاندا، ايەلدەردىڭ دەنساۋلىق ماسەلەلەرى قاۋىپتىرەك.

ماماندار جۇمىس بەرۋشىلەرگە ءوندىرىس كولەمى ارتقان سايىن، جۇمىسشىلاردىڭ دەنساۋلىعىنا دا ءمان بەرۋ كەرەكتىگىن ايتۋدا، دەپ جازادى شەتەلدىك ب ا ق.