قازاقستان ەۋروپا جانە ازيانىڭ دەموكراتيا جانە ىنتاماقتاستىق سامميتىنە قاتىستى

استانا. قازاقپارات - انكارادا ەۋروپانىڭ، جەرورتا جانە قارا تەڭىزدەرى اۋماقتارىنىڭ، يسلام ىنتىماقتاستىق ۇيىمىنىڭ، تۇركىتىلدەس مەملەكەتتەرىنىڭ پارلامەنتتىك اسسامبلەيالارى وكىلدەرىنىڭ قاتىسۋىمەن دەموكراتيا جانە ىنتىماقتاستىق ءسامميتى بولىپ ءوتتى.

تۇركيا ۇلى ۇلتتىق ءماجىلىسىنىڭ سپيكەرى يسمايل قاھراماننىڭ شاقىرۋىمەن ءىس-شاراعا يسلام ىنتىماقتاستىق ۇيىمى پارلامەنتتىك وداعىنىڭ ءتوراعاسى سەليم دجۋبۋري، قارا تەڭىز ەكوكنوميكالىق ىنىتماقتاستىق ۇيىمى پارپلامەنتتىك اسسامبلەياسىنىڭ ءتورايىمى مايا گويكوۆيچ، ەۋروپا كەڭەسى پارلامەنتتىك اسسامبلەياسىنىڭ ءتوراعاسى پەدرو اگرامۋنت، جەرورتا تەڭىزى پارلامەنتتىك اسسامبلەياسىنىڭ ۆيتسە-پرەزيدەنتى بەلال كاسەم، ەۋروپالىق پارلامەنتتىڭ ۆيتسە-پرەزيدەنتى داۆيد-ماريا ساسسولي، ناتو پارلامەنتتىك اسسامبلەياسىنىڭ ۆيتسە-پرەزيدەنتى پاولو اللي جانە جەرورتا تەڭىزى پارلامەنتتىك اسسامبلەيا-وداعىنىڭ مۇشەسى ماريا مۋسسيني قاتىستى.

ق ر پارلامەنتى ءماجىلىسىنىڭ ءتوراعاسى جانە تۇركىتىلدەس مەملەكەتتەر پارلامەنتتىك اسسامبلەياسى ءتوراعاسى ن. نىعماتۋليننىڭ اتىنان وكىلەتتى تۇركياداعى قازاقستاننىڭ توتەنشە جانە وكىلەتتى ەلشىسى جانسەيىت تۇيمەبايەۆ سامميتتە ءسوز سويلەپ، ق ر زاڭ شىعارۋ ورگانىنىڭ تومەنگى پالاتاسىنىڭ باسشىسىنىڭ اتىنان سالەم جولدادى، دەپ حابارلايدى تۇركياداعى ق ر ەلشىلىگىنەن.

وتىرىس بارىسىندا قاتىسۋشىلار تەرروريستىك جانە ەكسترەميستىك ۇيىمدارعا قارسى ءىس-قيمىل ماسەلەلەرىن تالقىلادى. دەموكراتيا، ادام حۇقىقتارى جانە زاڭنىڭ ۇلىقتىلىعى نەگىزگى ورتاق امبەباپ قۇندىلىقتار بولىپ تابىلاتىندىعى ەرەكشە اتالىپ ءوتتى.

ءسامميتتىڭ ناتيجەسى بويىنشا 2016-جىلعى 15- شىلدەدە تۇركيانىڭ زاڭدى ۇكىمەتىن قۇلاتۋعا باعىتتالعان توڭكەرىس ارەكەتىن ايىپتايتىن دەكلاراتسيا قابىلداندى.

پارلامەنتتىك اسسامبلەيالار باسشىلارى تۇركيا پرەمەر-ءمينيسترى ب. يىلدىرىمنىڭ قابىلداۋىندا بولدى. سامميتكە قاتىسۋشىلار تۇرىك حالقىنا وسى اۋىر كۇندەردە دەمەۋ كورسەتكەنى ءۇشىن ت ر ۇكىمەتى باسشىسىنىڭ العىسىنا كەنەلدى.