الماتىدا د. بالاندين اتىنداعى باسسەين اشىلدى - فوتو

الماتى. قازاقپارات - الماتىدا ءال-فارابي اتىنداعى قازۇۋ-دا «ماڭگىلىك ەل» اتتى تۇلەكتەر جانە ستۋدەنتتەر اركاسى اشىلدى.

قالانىڭ 1000 جىلدىعى مەن ەل تاۋەلسىزدىگىنىڭ 25 جىلدىعىنا ارنالعان شارادا وليمپيادا چەمپيونى دميتري بالاندين اتىنداعى باسسەين اشىلدى.

سالتاناتتى شاراعا قالا اكىمى باۋىرجان بايبەك، ۋنيۆەرسيتەت رەكتورى عالىمقايىر مۇتانوۆ، ولجاس سۇلەيمەنوۆ، وليمپيادا چەمپيونى دميتري بالاندين، مەتسەنات-بيزنەسمەندەر، قوعام قايراتكەرلەرى، قالا جانە اۋداندىق اكىمدىك وكىلدەرى، ۋنيۆەرسيتەت تۇلەكتەرى مەن ستۋدەنتتەرى قاتىستى.

اركا قاز ۇ ۋ قالاشىعىنىڭ كىرەبەرىسىندە ورنالاسقان.

«ستۋدەنتتەر مەن تۇلەكتەردىڭ تريۋمفالدى اركاسى «ماڭگىلىك ەل» ۇلتتىق يدەياسىنا ارنالعان، ول قالانىڭ بەلگىلى نىساندارىنىڭ بىرىنە، ءبىلىم رامىزىنە اينالادى. قازىر الماتىنىڭ سپورتقا قاتىستى تىرشىلىگى ۋنيۆەرسياداعا ازىرلىك پەن ونى وتكىزۋ شارالارىمەن تىعىز بايلانىستى. بۇل شارا دا مىڭ جىلدىق قالانىڭ جارقىن وقيعاسىنا اينالادى دەپ سەنەمىن، ءجۇزۋ باسسەينىن اشۋ ستۋدەنتتىك سپورتتىڭ دامۋىنا جاڭاشا سەرپىن بەرەدى»، - دەپ اتاپ ءوتتى قالا باسشىسى.

مەرەكەلىك شارا - جۇزۋدەن تۇڭعىش وليمپيادا چەمپيونى دميتري بالاندين اتىنداعى 25 مەترلىك باسسەيندى اشۋمەن جالعاستى.

دميتري جاڭا نىساندى اشۋعا قاتىستى ويىن ءبىلدىردى.

«مەن قاز ۇ ۋ- عا وقۋعا تۇسكەندە مىنانداي اسەمدىك بولعان ەمەس. اركانىڭ اشىلۋى - ماڭىزدى وقيعا. وسى شاراعا مەنى شاقىرعانىنا ريزا بولدىم، وسىنداي قۇرمەت كورسەتىلگەنى ءۇشىن العىس ايتامىن. مەنىڭ اتىم بەرىلگەن باسسەين بولادى دەپ ەشقاشان ويلاعان ەمەسپىن»، - دەيدى چەمپيون.