08:32, 02 - قىركۇيەك 2016 | GMT +5
پولشانىڭ فۋتبول قۇراماسى استانانى ۆەلوسيپەدپەن ارالايدى
استانا. قازاقپارات - پولشانىڭ فۋتبول قۇراماسى 2- قىركۇيەك كۇنى استاناعا ۇشىپ كەلەدى.
قوناقتاردىڭ ماتچ الدىنداعى جوسپارلارىنىڭ ءبىرى - ەلوردانى ۆەلوسيپەدپەن ارالاۋ.
KazFootball.kz پورتالىنىڭ حابارلاۋىنشا، پولشانىڭ فۋتبول قۇراماسى چارتەرلىك رەيسپەن ۇشىپ كەلەدى جانە Rixos قوناق ۇيىندە ايالدايدى.
ەسكە سالا كەتەيىك، قازاقستان جانە پولشا قۇرامالارى 2018-جىلعى الەم چەمپيوناتىنىڭ ىرىكتەۋ تۋرنيرى اياسىندا 4- قىركۇيەك كۇنى كەزدەسۋ وتكىزەدى. ويىن استانا ۋاقىتىمەن 22:00 دە باستالادى. بيلەتتەر 1- قىركۇيەكتەن بەرى ساتىلىپ جاتىر.
