دۋبايدا جولسەرىكتى ءسۇيىپ العان ۇشاق جولاۋشىسى تۇرمەگە قامالدى

استانا. قازاقپارات - سوت شەشىمى بويىنشا ۇشاق بورتىندا جولسەرىك قىزبەن سەلفيگە تۇسپەك بولىپ ونى ءسۇيىپ العان تانزانيا ازاماتى كىنالى دەپ تانىلدى.

جولسەرىكتى ءسۇيىپ تۇرىپ سەلفي جاساعان جولاۋشى ءۇش ايىن تۇرمەدە وتكىزەدى. دۋباي سوتى 42 جاستاعى ەر ادامدى سەكسۋالدى سيپاتتاعى زورلاۋ ارەكەتى بويىنشا كىنالى دەپ تاپتى. سوت وتىرىسىندا ايىپتالۋشى جولسەرىكتى سۇيگەنىن مويىندادى. ءبىراق ايىپتالىپ جاتقان باپقا كەلىسپەيتىنىن ايتتى.

وقيعا 22- ءساۋىر كۇنى بولعان. Emirates اۋەكومپانياسىنىڭ جولاۋشىسى جولسەرىك قىزدان سەلفي جاساۋدى ءوتىنىپ، ونى ءسۇيىپ العان. 25 جاستاعى امەريكاندىق بويجەتكەن بۇل جايلى ۇشاق جەرگە قونىسىمەن دۋباي پوليتسياسىنا حابارلاعان. جازاسىن وتەگەن سوڭ ايىپتالۋشى ەلىنە كوشىرىلەتىن بولادى.

Stan.kz