ليەۆيتتىڭ قارسىلاسى تيشەنكوعا ەكى بولمەلى پاتەر سىيلادى
پاتەر كىلتىن قالا باسشىسى كونستانتين پولەجايەۆ تابىس ەتتى. قالا باسشىسى تيشەنكوعا مەملەكەتپەن قاتار بەلگورودتى الەمگە تانىتقانى ءۇشىن العىس ايتتى. اكىم قالا تۇرعىندارىنىڭ اتىنان ەكى بولمەلى پاتەردى سىيعا تارتتى.
ەسكە سالا كەتسەك، ۆاسيلي ليەۆيت ريو وليمپياداسىنىڭ كۇمىس جۇلدەگەرى اتانعان ەدى. ول فينالدا رەسەيلىك ەۆگەني تيشەنكومەن كەزدەسىپ، قازىلار شەشىمىمەن 3:0 ەسەبىمەن جەڭىلگەن. ليەۆيتتىڭ جەكپە-جەك بويىنا باسىم بولىپ، قارسىلاسىنىڭ سوققىنىڭ استىنا الا تۇرا جەڭىلۋى جانكۇيەرلەر مەن سپورت ماماندارىنىڭ اشۋىن تۋدىرعان.
AIBA ەرەجەسى بويىنشا، ەل فەدەراتسياسى جەكپە-جەك ناتيجەسىنە قاتىستى شاعىم تۇسىرە المايدى. كەيىنىرەك اتالمىش كەزدەسۋگە قازىلىق جاساعان تورەشىلەردىڭ سپورتتىق شارالاردان شەتتەتىلگەنى ءمالىم بولدى.
الايدا ليەۆيتتى بارشا جانكۇيەرلەر مەن سپورت فۋنكتسيونەرلەرى قىزۋ قولداپ، وعان «التىن» العان سپورتشىعا تاعايىندالعان سىياقىنىڭ دا بەرىلەتىنى بەلگىلى بولدى. ال قازاقستاندىق ازىلكەشتەر بولسا، اتالمىش جەكپە-جەككە قاتىستى قالجىڭ روليك ءتۇسىرىپ، جەلىدە رەسەيلىك بوكسشىنى ءاجۋالادى.
Stan.kz
