پرەمەر-مينيستر جالاڭاش ءتوستى فرانسيانىڭ سيمۆولى دەپ اتادى

استانا. قازاقپارات - فرانسيا پرەمەر-ءمينيسترى مانۋەل ۆالس جابىق بۋركيني (مۇسىلمان ايەلدەرىنىڭ سۋعا تۇسەتىن كيىمى) كيۋگە قارسىلىق تانىتتى.

ول ءوز سوزىندە رەسپۋبليكانى حيدجاب ەمەس، جالاڭاش ءتوس بەينەلەيتىنىن ايتتى دەپ حابارلايدى Stan.kz.

ۇكىمەت باسشىسىنىڭ ورىنداۋىندا 1972-جىلعى ۇلى فرانسۋز ريەۆوليۋتسياسىنان كەيىن ۇلتتىڭ ماقتانىشىنا اينالعان مارياننا جونىندە ءسوز بولعان ەدى.

«ماريانا جالاڭاش توسىمەن بەينەلەنەدى. ويتكەنى، ول ەلدى ازىقتاندىرادى. ونىڭ ءجۇزى اشىق. ويتكەنى، ول - ازات. ول ناعىز مەملەكەتتىڭ ءوزى»، - دەيدى ۆالس.

ونىڭ پىكىرى تاريحشىلار اراسىندا ۇلكەن داۋ تۋدىردى. ماتيلدا لارەرە جەلىدەگى پاراقشاسىندا ۆالستىڭ پىكىرىن سىنعا الىپ: «ماريانانىڭ جالاڭاش كەۋدەسى اللەگورياعا جاتادى»، - دەپ جازدى.

بۇعان دەيىن بۋركينيدى كيۋگە فرانسيا قالالارىندا تىيىم سالىنعان.

30- تامىز كۇنى نيسسا قالاسىنىڭ سوتى ادام قۇقىعىن ەسكەرە وتىرىپ، كانن مۇسىلماندارىنىڭ بۋركيني كيۋىنە رۇقسات بەرگەن. 26- تامىز كۇنى دە فرانسيانىڭ باس كەڭەسى ۆيلنەۆ-ليۋبە قالاسىندا بۋركينيگە تىيىم سالۋ زاڭسىز دەپ تانىدى.

بۇعان دەيىن كانن جاعاجايىندا مۇسىلمان ايەلدەرىنىڭ «بۋركيني» كيۋىنە تىيىم سالىنعان.