قازاقستاننىڭ ۇزدىك وتباسى ونلاين-داۋىس بەرۋ ارقىلى انىقتالادى
بۇل تۋرالى بۇگىن ق ر پرەزيدەنتى جانىنداعى ايەلدەر ىستەرى جانە وتباسىلىق- دەموگرافيالىق ساياسات جونىندەگى ۇلتتىق كوميسسسياسى ءتوراعاسىنىڭ ورىنباسارى لاززات سۇلەيمەن ءمالىم ەتتى.
ول ءوز سوزىندە «مەرەيلى وتباسى» بايقاۋى ەلىمىزدىڭ بارلىق وڭىرلەرىندە ءساۋىر ايىندا باستالعانىن ەسكە سالىپ ءوتتى. قاتىسۋشىلاردى ىرىكتەۋ قازاقستاننىڭ ءاربىر وڭىرىندە جانە استانا مەن الماتى قالالارىندا ارالىق تۋرلار بارىسىندا انىقتالادى. كورەرمەندەردىڭ باسىم بولىگى داۋىس بەرگەن وتباسى «مەرەيلى وتباسى» لاۋرەاتى اتانىپ، ارنايى ديپلوممەن جانە باعالى سىيلىقتارمەن ماراپاتتالادى.
«2- قىركۇيەكتەن باستاپ 8- قىركۇيەك كۇنى ساعات 27:00 گە دەيىن ينتەرنەت ارقىلى داۋىس بەرۋ جۇرگىزىلەدى. 16 وڭىردەن وكىلدىك ەتكەن وتباسىلار اراسىنان جەڭىمپازدى حالىق ءوزى تاڭداپ الادى»، - دەدى ل. سۇلەيمەن.
ونىڭ سوزىنە قاراعاندا، بۇل جولى كونكۋرسقا 19 ەتنوس پەن 53 ينتەرناتسيونالدى وتباسى قاتىسۋدا. بارلىق وتباسىلاردىڭ 40 پايىزدان استامى كوپ بالالى.
«2015-جىلمەن سالىستىرعاندا اعىمداعى جىلى ەڭ ديناستيتسيا وكىلدەرى سانالاتىن وتباسىلار 32 پايىزعا ارتىپ وتىر. ال جاس وتباسىلار سانى بولسا 35 پايىزعا كوپ. ال بۇل «مەرەيلى وتباسى» بايقاۋىنا قاتىساتىن وتباسىلاردىڭ قاتارى كوبەيىپ كەلە جاتقاندىعىن بىلدىرەدى»، - دەدى ول.
ل. سۇلەيمەن دەرەكتەرىنە قاراعاندا، بيىل بۇل بايقاۋعا 2579 وتباسى قاتىسىپ، تەك ولاردىڭ 16 سى عانا اقتىق سىنعا جولداما الىپ وتىر.
ايتا كەتەرلىگى، بايقاۋعا 2014-جىلى 1298، 2015-جىلى 2285 وتباسى قاتىسقان بولاتىن.
اۆتور: مارلان جيەمباي
