بالالارى العاش رەت مەكتەپكە بارعان جۇلدىزدار - فوتو

استانا. قازاقپارات - جاڭا وقۋ جىلىنىڭ باستالۋى كوپتەگەن ادامداردىڭ ومىرىنە وزگەرىس ەنگىزدى.

بۇل وزگەرىستەر ەسترادا «جۇلدىزدارىن» دا اينالىپ وتكەن جوق. سەبەبى، ولاردىڭ ءبىرسىپىراسى بۇگىن بالالارىن ءبىرىنشى سىنىپقا جەتەكتەپ اپاردى. قاي جۇلدىزدىڭ بالاسى ءبىرىنشى سىنىپقا بارعانىن NUR. KZ انىقتاپ كوردى.

قاراقات پەن ءقىدىرالى

جۇلدىزدى جۇپ قاراقات پەن ءقىدىرالىنىڭ استاناداعى رەسپۋبليكالىق فيزيكا-ماتەماتيكالىق مەكتەپتىڭ تابالدىرىعىن اتتادى.

ليدو

ءانشى ليدونىڭ قىزى دا ءبىرىنشى رەت وقۋشى اتاندى. ول جەلى قولدانۋشىلارىمەن قۋانىشىن ءبولىسىپ، ولاردىڭ قۇتتىقتاۋدارىنا العىسىن ءبىلدىردى.

التىناي جورابايەۆا

التىناي جورابايەۆانىڭ دا ءتورت قىزىنىڭ ءبىرى العاشقى قوڭىراۋعا باردى. سەمانۇر ەسىمدى قىزىنان ول ۇلكەن ءۇمىت كۇتەتىنىن جاسىرمادى.

ەرعالي ءابدىرايىموۆ

«جىگىتتەر» توبىنىڭ پروديۋسەرى ەرعالي ءابدىرايىموۆتىڭ دە بالاسى مەكتەپكە العاش رەت قادام باستى.

اقجول مەيىربەكوۆتىڭ نەمەرەسى

ايگىلى «دوس-مۇقاسان» ءانسامبلىنىڭ ءسوليستى اقجول مەيىربەكوۆتىڭ دە نەمەرەسى ءبىرىنشى سىنىپقا قادام باستى. ءمۇسلىم ەسىمدى ءانشىنىڭ نەمەرەسى الماتىداعى 173№ مەكتەپ-ليتسەدىڭ وقۋشىسى اتاندى.

جانات باقىت

حالىققا «ك ت ك» تەلەارناسىنىڭ جاڭالىقتار جۇرگىزۋشىسى رەتىندە تانىلعان جانات باقىت تا ۇلىن مەكتەپكە جەتەلەپ الىپ كەلدى.

روزا ءالقوجا

بەلگىلى ءانشى روزا ءالقوجانىڭ ۇلى دا بيىل العاش رەت ءبىلىم ايدىنىنا بەت بۇردى. ول ەندى - ءبىرىنشى سىنىپ وقۋشىسى.

ەرلان رىسقالي

ءداستۇرلى ءانشى ەرلان ءرىسقاليدىڭ قىزى دا العاش رەت مەكتەپكە كەلدى. اكەسى ونىڭ بۇل قادامىن جەلىگە جۇكتەپ، قولدانۋشىلاردىڭ قۇتتىقتاۋىنا كەنەلدى.

نۇرجامال ۇسەنبايەۆا

بەلگىلى وپەرا ءانشىسى نۇرجامال ۇسەنبايەۆا الەۋمەتتىك جەلىدەگى پاراقشاسىنا سۋرەت جۇكتەپ، نەمەرەسىنىڭ مەكتەپكە بارعانىن جاريا ەتتى.