بايان ەسەنتايەۆانى ۇرىپ-سوعۋ ءىسى پروكۋراتۋراعا بەرىلدى
بۇل تۋرالى الماتى وبلىستىق ءى ءى د- ءنىڭ رەسمي ساۋالعا بەرىلگەن جاۋابىندا ايتىلادى.
«ادام ولتىرۋگە وقتالدى دەگەن كۇدىككە ىلىنگەن باقىتبەك ەسەنتايەۆ قاماۋدا وتىر. قىلمىستىق ءىستىڭ ماتەريالدارى زەرتتەۋ ءۇشىن جانە كەيىن سوتقا جىبەرىلۋى ءۇشىن الماتى وبلىسىنىڭ پروكۋراتۋراسىنا جولداندى»، - دەلىنگەن جاۋاپتا. سونىمەن قاتار، ءى ءى د وكىلدەرى ەسەنتايەۆانى سۋرەتكە ءتۇسىرىپ، الەۋمەتتىك جەلىلەردە تاراتۋ دەرەگى بويىنشا تەرگەۋدىڭ جالعاسىپ جاتقانىن حابارلادى. «وسى دەرەك بويىنشا جازانى سوت انىقتايدى»، - دەدى پوليتسياداعىلار.
ەسكە سالايىق، بايان ەسەنتايەۆا 10- ماۋسىمدا اۋىر جاعدايدا تالعارداعى اۋرۋحاناعا تۇسكەن بولاتىن. تەرگەۋدىڭ مالىمەتىنشە، ونى كۇيەۋى باقىتبەك ەسەنتايەۆ اياۋسىز ۇرىپ سوعىپ، بىرنەشە رەت پىشاقتاعان. بۇل وقيعا ەڭبەكشى اۋىلىنىڭ ماڭىندا قۇلجا تاس جولىندا بولعان.
ەر ادام ۇستالىپ، تالعار اۋداندىق ىشكى ىستەر باسقارماسىنا جەتكىزىلدى. كەيىن ءى ءى ب وكىلدەرى مەديتسينالىق كۋالاندىرۋ قورىتىندىسى بويىنشا باقىتبەك ەسەنتايەۆتىڭ ماس بولعانىن ايتتى. ول ءوز كىناسىن مويىنداپ وتىر ەكەن. ءىس «ادام ولتىرۋگە وقتالۋ» بابى بويىنشا تەرگەلىپ جاتىر. ەسەنتايەۆا اۋرۋحانادا 10 كۇن بولدى، ءبىراق ۇيىنە شىققاننان كەيىن دە امبۋلاتور تارتىبىندە ەم الدى.
