لاڭكەستىك قاۋپى قازاقستان ءۇشىن دە وزەكتى ماسەلە بولىپ وتىر - ن. نازاربايەۆ
«حالىقارالىق قاتىناستار جۇيەسى جەتەكشى دەرجاۆالار اراسىنداعى تەكە- تىرەستىڭ ءوسۋى سالدارىنان بولجاپ بولمايتىن شەككە جەتتى. ەكونوميكالىق سانكسيالار، ىمىراعا كەلمەۋ، ءوزارا قاتەرلەر، قايتادان قارۋلانۋ جارىسىن باستاۋعا نيەت الەمگە دە تۇبەگەيلى كومەكتەسپەيدى، ەلگە دە تۇراقتىلىق اكەلمەيدى. بۇل الەمدىك قوعامداستىقتىڭ حالىقارالىق تەرروريزممەن، ەكسترەميزممەن كۇرەسىن قيىنداتادى جانە مۇنى، ۇلى دەرجاۆالار اراسىنداعى كەلىسپەۋشىلىكتەردى ەكسترەميستەر پايدالانادى»، - دەدى ن. نازاربايەۆ.
مەملەكەت باسشىسى ءوز سوزىندە بۇگىندە بارلىعى دا مۇنداي زۇلىمدىقتاردى كۇش بىرىكتىرگەندە عانا جەڭۋگە بولاتىندىعىن تۇسىنگەندىگىن اتاپ ءوتتى.
«وتكەن جازدا ورىن العان وقيعالار الەمدەگى ءبىر- ءبىر مەملەكەتتىڭ، بىردە- ءبىر ەلدىڭ تەرروريستىك اكتىدەن امان قالمايتىنىن كورسەتتى. تەرروريستىك قاۋىپ قازاقستان ءۇشىن وزەكتى ماسەلەگە اينالدى. بۇگىندە حالىقارالىق كۇنتارتىبىندە جاھاندىق سوعىستىڭ الدىن الۋ، ادامزاتتىڭ يادرولىق ءوزىن- ءوزى جويىپ جىبەرۋ قاۋپى وزەكتى ماسەلەلەرگە اينالىپ وتىر»، - دەدى ەلباسى.
سونىمەن قاتار ق ر پرەزيدەنتى تاۋەلسىزدىگىمىزدىڭ ەكىنشى شيرەگى وتە كۇردەلى كەزەڭدە باستالعالى وتىرعاندىعىن ەسكەرتىپ ءوتتى.
«دەگەنمەن، بۇل قالاي بولعاندا دا ءبىزدىڭ وسى عاسىردىڭ ورتاسىندا قازاقستاندى ەۋرازيانىڭ ەڭ دامىعان مەملەكەتىنە اينالدىرۋ، ياعني الەمنىڭ دامىعان مەملەكەتتەرى كلۋبىنا كىرگىزۋ سىندى ۇلى ماقساتىمىزعا قول جەتكىزۋىمىزگە كەدەرگى بولماۋى ءتيىس»، - دەدى ۇلت كوشباسشىسى.
اۆتور: مارلان جيەمباي
