11:26, 01 - قىركۇيەك 2016 | GMT +5
ەلباسى ءانۇرانعا قاتىستى ۇكىمەت مۇشەلەرى مەن دەپۋتاتتارعا ەسكەرتۋ جاسادى
استانا. قازاقپارات - بۇگىن التىنشى سايلانعان ق ر پارلامەنتىنىڭ ەكىنشى سەسسياسى اشىلدى. سەسسيانىڭ اشىلۋ بارىسىنا ق ر پرەزيدەنتى نۇرسۇلتان نازاربايەۆ قاتىستى.
كونستيتۋتسيانىڭ 59-بابىنا سايكەس، التىنشى سايلانعان پارلامەنتتىڭ ەكىنشى سەسسياسىن ق ر پرەزيدەنتى اشىق دەپ جاريالادى.
جاڭا سەسسيانى اشىلۋى قازاقستاننىڭ ءانۇرانىن ورىنداۋمەن باستالدى. مەملەكەت باسشىسى نۇرسۇلتان نازاربايەۆ ءانۇراندى ءوزى دە قوسىلىپ، بىرگە شىرقادى. سوسىن جاڭا سەسسيانىڭ اشىلۋىنا قاتىستى ءسوز سويلەۋگە كىرىسپەس بۇرىن ەلباسى قاتىسىپ وتىرعاندارعا ەسكەرتۋ جاسادى. «ۇكىمەت مۇشەلەرى، دەپۋتاتتار ءانۇران ايتىلعاندا بىرگە ايتىپ تۇرعانى ءجون بولادى، جاراسادى»، - دەدى ن. نازاربايەۆ.
اۆتور: قانات مامەتقازى ۇلى
