الماتىدا دۇنيەءجۇزى قازاقتارىنىڭ حالىقارالىق ونەر فەستيۆالى وتەدى
قازاقستان رەسپۋبليكاسىنىڭ تاۋەلسىزدىگىنە 25 جىل تولۋىنا جانە الماتى قالاسىنىڭ 1000 جىلدىعىنا وراي وتەتىن شارا الىستاعى اعايىندى ءبىر- بىرىمەن بايلانىستىرىپ، ءبىر- بىرىمەن تانىستىرۋدى كوزدەيدى، دەيدى BAQ.kz ءتىلشىسى.
ق ر مادەنيەت جانە سپورت مينيسترلىگى تىلدەردى دامىتۋ جانە قوعامدىق- ساياسي جۇمىس كوميتەتىنىڭ قولداۋىمەن دۇنيەءجۇزى قازاقتارىنىڭ قاۋىمداستىعى ۇيىمداستىرىپ وتىرعان حالىقارالىق فەستيۆالگە 21 مەملەكەتتە تۇراتىن قانداستارىمىز قاتىسۋعا نيەت ءبىلدىرىپ وتىر. فەستيۆال اياسىندا «دوڭگەلەك ۇستەل»، سۋرەت كورمەسى، ءمۇشايرا، تەرمە سايىسى جانە گالا كونسەرت وتەتىن بولادى.
سونىمەن قاتار، بيىلعى فەستيۆال بارىسىندا زۋحا باتىردىڭ 150 جىلدىعىنا قاتىستى دا الىس- جاقىننان كەلگەن قانداستارىمىزدىڭ اراسىندا تولىقتاي تانىستىرۋ جۇمىستارى ءجۇرىلىپ، باتىردىڭ قازاق تاريحىندا الار ورىنى تۋرالى ءسوز بولماقشى.
ءىس- شارا قازان ايىنىڭ 7- كۇنى الماتىداعى م. اۋەزوۆ اتىنداعى قازاق مەملەكەتتىك اكادەميالىق دراما تەاترىندا وتەدى.
ەستەرىڭىزدە بولسا، بۇعان دەيىن فەستيۆالدىڭ وتەتىندىگى تۋرالى ايتىپ، بايقاۋ ەرەجەلەرىن جاريالانعان بولاتىن.
