اقتاۋ تۇرعىنى تەڭىز جاعاسىنان بۇرىن- سوڭدى كەزدەسپەگەن جىرتقىش بالىق تاۋىپ الدى - فوتو
ەر ادام كەشە، 30 - تامىز كۇنى تەڭىز جىرتقىش بالىعىن كورگەنىن ايتادى. ونىڭ ءولى دەنەسى تولقىنمەن بىرگە جاعاعا شىعىپ قالعان. بۇل جاعداي تۇرعىندى تاڭقالدىرىپ عانا قويماي، كوكەيىندە كوپتەگەن سۇراقتار دا تۋعىزادى.
«مەن تاڭىرقاپ، شىنىمدى ايتسام قورقىپ كەتتىم. كاسپيدە جىرتقىش بالىقتار قايدان ءجۇر دەپ ويلادىم. مەن بۇرىننان بىلەمىن، مۇنداي تەڭىز جانۋارى كەزدەسپەيتىن. ولار سوندا مۇندا دا تىرشىلىك ەتە الاتىنى بولعانى ما؟ »، - دەيدى اقتاۋ تۇرعىنى.
وسى رەتتە ماڭعىستاۋ اڭشىلار مەن بالىقشىلار قاۋىمداستىعىنىڭ ءتوراعاسى اندرەي تيشەنكوعا حابارلاستىق.
«بۇل ماقۇلىق بىزگە تەڭىز كورابلى ارقىلى تاپ بولۋى مۇمكىن. كورابلدەر تەڭىزدى جانە وزەندى كەسىپ ءوتۋ كەزىندەگى تەپە- تەڭدىكتەگى ساقتاۋ ءۇشىن وزدەرىمەن بىرگە سۋ الىپ جۇرەدى. ول باللاستتا ساقتالادى. مۇمكىن سونداي كەزەكتى كەمە ءجۇزىپ ءوتىپ، سۋىن توككەن كەزدە بۇل بالىق تا سول كەزدە بىرگە تۇسكەن شىعار»، - دەيدى اندرەي تيشەنكو.
بۇل جاعدايعا ماڭعىستاۋ وبلىستىق ەكولوگيا دەپارتامەنتى دە پىكىر ءبىلدىردى.
«مۇنداي جىرتقىش بالىقتار ءبىزدىڭ كاسپيدە ەشقاشان جۇزگەن ەمەس. بۇل ماقۇلىقتاردىڭ تەڭىزدە جۇزەتىنى جانە بۇل اۋماقتا ابدەن بولۋى مۇمكىن بولا تۇرا، تاجىريبە جۇزىندە ءبىز مۇنداي جاعدايمەن كەزدەسىپ كورگەن ەمەسپىز. ول كاسپيگە كەمە ارقىلى كەلگەن بولۋى مۇمكىن. ءبىر جاعىنان براكونەرلەر دە وسىنداي ارەكەتكە بارۋى ىقتيمال. ولار بالكىم بۇل جانۋار تىرشىلىك ەتە الا ما، جوق پا تەكسەرىپ كورگىسى كەلگەن بولار. ماسەلەن 2010-2011 -جىلدارى سونداي جاعداي بولعان . ولار اكۋلانى تەڭىزگە سالىپ سىناپ كورگەن ەدى، الايدا ول اسا تابىستى اياقتالمادى، » - دەيدى مەملەكەتتىك ەكولوگيالىق ينسپەكتور باقىتجان زەينەلابدي.
ينسپەكتور سونداي- اق، جىرتقىش بالىقتىڭ ءولىمىن انىقتاۋ ءۇشىن بالىق ينسپەكتسياسى ساراپتاماۋى جۇرگىزۋى مۇمكىن ەكەندىگىن ايتتى. 
