وزبەكستاندا كاريموۆتەر اۋلەتى بيلىكتەن الاستاتىلىپ جاتىر
ال پرەزيدەنتتىككە ءجونى ءتۇزۋ ۇمىتكەر رەتىندە پرەمەر- مينيستر شاۆكات ميرزيايەۆتىڭ اتى اتالۋدا دەپ حابارلايدى ك ت ك ارناسى.
كەيبىر باسىلىمداردىڭ حابارلاۋىنشا، قازىر وزبەكستان پرەزيدەنتىن جاساندى اپپاراتقا جالعاپ قويىپتى. يسلام كاريموۆ قايتىس بولعان جاعدايدا ونىڭ وتباسى بيلىكتىڭ ماڭايىنا دا جولاي الماي قالايىن دەپ تۇر. پرەزيدەنتتىڭ ۇلكەن قىزى گۇلنار قازىر لوندوندا ءۇيقاماقتا. ال كىشىسى لولاعا كۇش قۇرىلىمدارى بيلىكتى بەرە سالماسى انىق.
ساراپشىلاردىڭ ايتۋىنشا، شاۆكات ميرزيايەۆتى وزبەك حالقى دا، شەت مەملەكەتتەر دە قولدايدى ەكەن. تاعى ءبىر ايتا كەتەرلىك جايت، بيلىكتەگىلەر يسلام كاريموۆتىڭ قايتىس بولعانى تۋرالى جالعان مالىمەتتى اقپارات قۇرالدارىنا ونىڭ قىزى بەرگەن دەپ سانايدى.
ەستەرىڭىزگە سالساق، 78 جاستاعى پرەزيدەنت وتكەن سەنبىدە ميىنا قان قۇيىلىپ، اۋرۋحاناعا جەتكىزىلگەن بولاتىن. ال ول قايتىس بولدى دەگەن اقپارات دۇيسەنبى كۇنى تاراي باستادى. ءبىراق ونى وزبەك بيلىگى راستاعان جوق.
