جازيرا جاپپارقۇل وبىلىس اكىمىنىڭ قىمبات سىيلىعىن نە ىستەيتىنىن ايتىپ بەردى - فوتو

استانا. قازاقپارات - وليمپيادا ويىندارىندا جۇلدەگە يە بولعان تۇڭعىش قازاق قىزى جازيرا جاپپارقۇل وڭتۇستىك قازاقستان وبىلىسىنىڭ اكىمى بەيبىت اتامقۇلوۆتىڭ قىمبات سىيلىعىن نە ىستەيتىنىن ايتىپ بەردى،

دەپ حابارلايدى وڭىردەن NUR. KZ ءتىلىشىسى.

ايماق باسشىسىنان پاتەر مەن قىمبات كولىك كىلتىن العان زىلتەمىرشى جازيرا جاپپارقۇل ەرەكشە تولقىنىسىن جاسىرا المادى. ءوز ءسوزىن قولداۋ كورسەتىپ جاتقان بارشا ازاماتتارعا العىس ايتۋدان باستاعان سپورتشى سىيعا العان كولىكتى ءوزى تىزگىندەيتىنىن اشىپ ايتتى.

«مەنىڭ بۇعان دەيىن جەكە كولىگىم بولماعان. كەيدە اكەمنىڭ كولىگىن تىزگىندەيتىنمىن. سەبەبى كولىك جۇرگىزۋگە رۇقسات بەرەتىن كۋالىگىم بار. العانىما ەكى جىل بولدى. وبلىس باسشىسى بەرگەن كولىكتى ەندى ءوزىم تىزگىندەيمىن»، - دەدى زىلتەمىرشى.

ال سۋ جاڭا ەكى بولمەلى پاتەردى سپورتشى اتا- اناسىنا سىيعا تارتاتىنىن ايتتى. ودان وزگە سپورتشى الداعى جوسپارلارىمەن دە بولىسە كەتتى.

 «مەنىڭ قازىر ءۇش جاراقاتىم بار. اللا بۇيىرتسا، جاقسىلاپ ەمدەلۋىم قاجەت. سودان سوڭ قاڭتار ايىنان باستاپ جاتتىعۋ جۇمىستارىنا كىرىسەمىن. ەندىگى ۇلكەن ارمانىم - توكيودا وتەتىن وليمپيادادا ەلىمە التىن جۇلدە سىيلاۋ. ەلباسىم ءۇشىن، ەلىم، وتانىم ءۇشىن بارلىق كۇشىمدى سالامىن»، - دەپ اعىنان جارىلدى زىلتەمىرشى.

ايتا كەتەيىك، 31 - تامىز كۇنى وڭتۇستىك قازاقستان وبلىسىنىڭ اكىمى بەيبىت اتامقۇلوۆ ريودا كۇمىس پەن قولا مەدالعا يە بولعان جازيرا جاپپارقۇل مەن گالبادراح وتگونسەتسەگكە پاتەر كىلتىن تابىس ەتىپ، دجيپ كولىگىن مىنگىزدى.

ريوداعى جۇلدەسىنەن كەيىن قازاق تىلىندە كۇللى جۇرتشىلىققا العىس ايتىپ، قىمبات كولىك مىنگەن سپورتشى گالبادراح وتگونتسەسەگ جۋرناليستەرگە قازاقشا سۇحبات بەرە المادى.

ريودا قولا مەدالعا قول جەتكىزگەن سپورتشى گالبادراح وتگونسەتسەگ قازاقستانعا جۇلدەمەن كەلگەن سوڭ جانكۇيەرلەرىن تاعى ءبىر ارەكەتىمەن ءتانتى ەتكەن ەدى. ياعني، بارشاعا قازاق تىلىندە العىس جاۋدىرعان سپورتشىنىڭ ونىسىنا سۇيسىنبەگەن جان كەمدە- كەم بولدى.

باپكەرلەرىنىڭ سوزىنە سەنسەك، سپورتشى ءتۇرلى شارالاردا ايتىپ جۇرگەن قازاق تىلىندەگى العىس سوزدەرىن ەل ىقىلاسى ءۇشىن ابدەن جاتتاپ كەلەدى ەكەن.

وليمپيادادان كەيىن سپورتشىنى باعدارلامالارعا شاقىرعان جۋرناليستەر گالبادراحتىڭ (ۇلتى موڭعول) قازاق نە ورىس تىلىندە مۇلدەم سويلەمەيتىنىن ايتادى. وسى جولعى كەزدەسۋدە دە ءتىلشىنىڭ «تىم بولماعاندا جاتتاعان ءسوزىن ايتقىزىپ، ۆيدەوعا ءتۇسىرىپ الايىق» دەگەنىنە باپكەرى كونبەدى. ايتۋىنشا، دجيپ كولىگىنە وتىرعان ول ەندى سوزدەن جاڭىلىسىپ قالۋى مۇمكىن.

ەستەرىڭىزگە سالا كەتەيىك، 48 كەلىگە دەيىنگى سالماق دارەجەسىندە ونەر كورسەتكەن قازاقستاندىق دزيۋدوشى گالبادراح وتگونتسەتسەگ قولا مەدال ءۇشىن تالاستا كۋبالىق سپورتشىمەن بەلدەستى. جەرلەسىمىز كۋبالىقتى يپپون ادىسىمەن جىعىپ، جۇلدەگە قول جەتكىزدى. سپورتشىنىڭ بۇل جۇلدەسى ريو وليمپياداسىندا ەل قورجىنىنا سالىنعان العاشقى مەدال بولدى.

NUR. KZ