ق ر ءبىلىم جانە عىلىم ءمينيسترى مەكتەپ وقۋشىلارىن ءبىلىم كۇنىمەن قۇتتىقتادى - فوتو
«جاڭا وقۋ جىلىنىڭ باستالعانىمەن شىن جۇرەكتەن قۇتتىقتايمىن. ءار اتا- انانىڭ ارمان- ماقساتى - ءوز بالالارىنىڭ دۇرىستاپ وقىپ، ءبىلىمدى بولىپ، ءبىلىم مەن عىلىمنىڭ ارقاسىندا ەلدىڭ ەلەۋلى ازاماتتارى بولىپ، ەسىمدەرى ەلگە تانىلعانى. مەملەكەتىمىز، ەلباسى بارلىق جاعداي جاساپ جاتىر. ءار اتا- انانىڭ وسى ارمانى ورىندالسىن! ءسات ساپار تىلەيمىن!» - دەدى مينيستر وقۋشىلار مەن اتا- انالارعا تىلەگەن اقجولتاي تىلەگىندە.
ايتا كەتەيىك، ەلىمىزدە بيىل 1 - قىركۇيەك كۇنى 2,8 ميلليون وقۋشى مەكتەپكە بارادى. ولاردىڭ 370 مىڭى - العاش رەت مەكتەپ تابالدىرىعىن اتتاعالى وتىرعان بۇلدىرشىندەر.
قازاقستاننىڭ بارلىق ورتا ءبىلىم بەرۋ مەكەمەلەرىندە ءبىلىم كۇنى ق ر تاۋەلسىزدىگىنىڭ 25 جىلدىعىنا جانە كونستيتۋتسيا كۇنىنە وراي سالتاناتتى تۇردە العاشقى قوڭىراۋ ۇيىمداستىرىلادى، سونداي- اق ءبىرىڭعاي «مەن - ءوز ەلىمنىڭ پاتريوتىمىن» تاقىرىبىندا ساباق وتەدى.
جەرگىلىكتى اتقارۋ ورگاندارىنىڭ مالىمەتىنە سۇيەنسەك، جاڭا وقۋ جىلى قارساڭىندا ەسىگىن اشقالى وتىرعان مەكتەپتەر سانى - 7126. جاڭا وقۋ جىلىنا دەيىن 60 جاڭا مەكتەپ پايدالانۋعا بەرىلۋ جوسپارلانعان، ال 2016 -جىلدىڭ سوڭىنا دەيىن 32 جاڭا مەكتەپ بەرىلمەك.
اۆتور: جاسۇلان جولدىبايەۆ 
