09:08, 01 - قىركۇيەك 2016 | GMT +5
فارحاد حاركيگە پاتەر كىلتى تابىستالدى
استانا. قازاقپارات - اقتوبەدە وبلىس اتىنان ريو وليمپياداسىنا قاتىسقان سپورتشىلار ماراپاتتالدى. ولار ەكەۋ: ءبىرى - قولا مەدال العان زىلتەمىرشى فارحاد حاركي، ەكىنشىسى - ەركىن كۇرەس بالۋانى نۇريسلام سانايەۆ، دەپ حابارلايدى Sports.kz.
ريو-2016 قولا جۇلدەگەرى فارحاد حاركيگە وبلىس باسشىلىعى پاتەر كىلتىن تابىستادى. ايماق باسشىسى بەردىبەك ساپاربايەۆ وعان سەرتيفيكات تابىستاپ تۇرىپ: «ساعان مەملەكەتتىك ءتىلدى مەڭگەرۋىڭ ءۇشىن 4 جىل ۋاقىت بەرىلەدى»، - دەدى كۇلىپ.
ودان سوڭ نۇريسلام سانايەۆقا العىس حات تابىستالدى.
وليمپيادادا فارحاد حاركي قولا جۇلدەگە قول جەتكىزسە، نۇريسلام سانايەۆ جارتىلاي فينالعا شىعا الماي قالعان ەدى.
