قىتاي باسشىسى يسلام كارىموۆقا زور دەنساۋلىق تىلەدى
«وزبەكستان رەسپۋبليكاسىنىڭ ەگەمەندىگىنە 25 جىل تولۋىنا وراي قىتاي حالقىنىڭ جانە ءوز اتىمنان سىزگە جانە دوستاس وزبەكستان حالقىن شىن جۇرەكتەن قۇتتىقتايمىن. 25 جىلدىڭ ىشىندە پرەزيدەنت مىرزانىڭ تۇراقتى باسقارۋىنىڭ ارقاسىندا تۇراقتىلىق، ەكونوميكالىق ۇدەرىس، حالىقارالىق ەلدەر اراسىندا بەدەلى جوعارىلاپ، مەملەكەتتىك قۇرىلىمى نىعايا ءتۇستى. كورىپ وتىرعانىمىزداي، مەملەكەت باسشىسى ومىرلىك كۇشكە يە، سوندىقتان ول كىسىنىڭ جاساعانى بارلىعىمىزعا ۇلگى»، - دەلىنگەن قىتاي باسشىسىنىڭ يسلام كارىموۆقا جولداعان حاتىندا.
«مەن قىتاي- وزبەك قارىم- قاتىناستارىن جانە ەكەۋىمىزدىڭ دوستىعىمىزدى وتە جوعارى باعالايمىن. (...) ەلىڭىزگە وركەندەپ، قۋاتتى بولا ءتۇسۋىن تىلەيمىن، حالقىڭىزعا باقىت پەن اماندىقتى تىلەيمىن. پرەزيدەنتكە مىقتى دەنساۋلىق جانە جۇمىستا تابىس تىلەيمىن!»، - دەلىنگەن حاتتا.
سونداي- اق وزبەكستان پرەزيدەنتىنىڭ سايتىندا باراك وبامانىڭ حاتى جاريالانعان. «ەكى ەل اراسىندا سەرىكتەستىك قارىم قاتىناستار 1991 -جىلى 25 -جەلتوقساندا امەريكا قۇراما شتاتتارى وزبەكستاننىڭ ەگەمەن ەل ەكەنىن ءبىرىنشى بولىپ مويىنداعاننان بەرى جوعارى دەڭگەيدە جۇرگىزىلىپ كەلەدى. ەكى ەل اراسىنداعى قارىم- قاتىنا بولاشاقتا دا ءوز جالعاسىن تابادى دەپ سەنەمىن»، - دەلىنگەن ا ق ش پرەزيدەنتىنىڭ جولداۋىندا.
وزبەكستاندا ەل تاۋەلسىزدىگىنىڭ 25 جىلدىعىنا وراي 31 - تامىزعا بەلگىلەنگەن سالتاناتتى شارالار كەيىنگە قالدىرىلدى. وزبەكستان پرەزيدەنتى يسلام كارىموۆتىڭ كەنجە قىزى لولا كارىموۆا- تيلليايەۆا Facebook جەلىسىندە اكەسىنىڭ ميىنا قان كەتكەنىن ايتتى.
Kaz.tengrinews.kz
