ەلوردادا ۇزدىك وڭىرلىك وندىرۋشىلەر انىقتالدى

استانا. قازاقپارات - بۇگىن استانادا جىل سايىنعى «قازاقستاننىڭ ۇزدىك تاۋارى» وڭىرلىك كورمە- كونكۋرسى ءوتتى. شارانىڭ اشىلۋىنا استانا قالاسى اكىمىنىڭ ورىنباسارى ماليكا بەكتۇروۆا جانە وڭىرلىك كاسىپكەرلەر پالاتاسىنىڭ باسشىسى عاني تاسماعانبەتوۆ قاتىستى.

كورمە وتاندىق ءونىمنىڭ ساپاسىن ارتتىرۋعا باعىتتالعان قىزمەتتى جانداندىرۋ، قازاقستان نارىعىن جوعارى ساپالى جانە باسەكەگە قابىلەتتى ونىممەن تولىقتىرۋعا جاردەمدەسۋگە باعىتتالعان، دەپ حابارلايدى قالا اكىمدىگىنىڭ سايتى.

كورمە- كونكۋرسقا ءتۇرلى سالاداعى ەلوردالىق ءوندىرۋشى كاسىپكەرلەر قاتىستى. كونكۋرس ءۇش نوميناتسيا بويىنشا ءوتتى: «وندىرىستىك ماقساتتاعى ۇزدىك تاۋارلار»؛ «حالىق تۇتىناتىن ۇزدىك تاۋارلار»؛ «ۇزدىك ازىق- تۇلىك تاۋارلارى».

«وندىرىستىك ماقساتتاعى ۇزدىك تاۋارلار» ساناتىندا شىنىدان بۇيىمدار جاسايتىن «ەلوردالىق شىنى كومپانياسى» ج ش س ۇزدىك اتاندى. ءسۇت ونىمدەرىن شىعاراتىن «بانۋر- ن س» ج ش س «ۇزدىك ازىق- تۇلىك تاۋارلارى» ساناتىندا كوش باستادى. «حالىق تۇتىناتىن ۇزدىك تاۋارلار» ساناتىندا جارىق ديودتى ونىمدەر جاسايتىن «Led solution» ج ش س توپ جاردى.

وڭىرلىك كونكۋرس جەڭىمپازدارى جىل سوڭىندا وتەتىن «قازاقستاننىڭ ۇزدىك تاۋارى» رەسپۋبليكالىق بايقاۋىنا جولداما الدى.

 ايتا كەتەيىك، شاعىن جانە ورتا بيزنەس ەلوردانى دامىتۋدا الدىڭعى قاتاردا، بۇعان نەگىزگى كورسەتكىشتەر دالەل بولادى.