پۋتين: اركتيكا گەوساياسي شيەلەنىستەردەن ەركىن ايماق بولۋى ءتيىس
«اركتيكا استىرتىن كەلىسسوزدەر، اسكەري بلوكتاردىڭ گەوساياسي ويىنى نەمەسە ىقپال ەتۋ ايماعى ءۇشىن كۇرەس جۇرمەيتىن، اشىق جانە تەڭ دارەجەدەگى ديالوگ الاڭى رەتىندە تانىلۋى ءتيىس» دەدى پۋتين اركتيكا كەڭەسى مۇشەلەرىنە جازعان حاتىندا. پۋتيننىڭ حاتىن رەسەي قاۋىپسىزدىك كەڭەسىنىڭ حاتشىسى نيكولاي پەترۋشوۆ جولداعان.
رەسەي اركتيكا كەڭەسىنىڭ كەزدەسۋىن اركتيكا مۇحيتىندا پيەۆەك پورتىنا دەيىن جۇرەتىن اتوم مۇزجارعىش كەمەسىندە وتكىزىپ جاتىر.
رەسەي ءوزىنىڭ ۇلتتىق مۇددەلەرى ساقتالىپ، وزگە بارلىق مەملەكەتتەردىڭ مۇددەلەرى ەشقانداي شارتسىز قۇرمەتتەلگەن جاعدايدا ايماقتىڭ بەيبىت دامۋى كەرەك دەگەن ۇستانىمىنان اينىمايدى» دەدى پۋتين.
رەسەي پرەزيدەنتى اركتيكانىڭ تۇراقتى دامۋى ماڭىزدى بولىپ بارا جاتقانىن دا ايتتى.
«اركتيكا ەلدەرىنىڭ عانا ەمەس، وزگە دە ءبىرقاتار ەلدەردىڭ گۇلدەنۋى سوعان بايلانىستى، - دەيدى ول.
پەترۋشوۆ رەسەي، كانادا، الياسكا جانە اركتيكا ماڭى تەڭىزىنە كىرەتىن وزگە دە ەلدەردىڭ اراسىندا كونتينەتتىك قايراڭداردى دامىتۋدا ءبىرشاما قيىندىقتار تۋعانىن، ءبىراق ولاردىڭ بەيبىت تۇردە شەشىلۋ مۇمكىن ەكەنىن ايتادى.
«ازاتتىق» سايتى
