قازاقستان قىرعىز ەلىندەگى قىتاي ەلشىلىگىنە جاسالعان شابۋىلدى ءۇزىلدى-كەسىلدى ايىپتايدى

استانا. قازاقپارات - قازاقستان سىرتقى ىستەر مينيسترلىگى قىتاي حالىق رەسپۋبليكاسىنىڭ قىرعىز رەسپۋبليكاسىنداعى ەلشىلىگىنە جاسالعان شابۋىلعا بايلانىستى مالىمدەمە جاسادى.

«لاڭكەستىك اكت رەتىندە تانىلعان قىتاي حالىق رەسپۋبليكاسىنىڭ قىرعىز رەسپۋبليكاسىنداعى ەلشىلىگىنە جاسالعان شابۋىلدى ءۇزىلدى-كەسىلدى ايىپتايمىز. اتالعان قىلمىستى ەگجەي-تەگجەيلى تەرگەۋ مەن كىنالىلەردى جاۋاپكەرشىلىككە تارتۋدا قىرعىز تاراپىنىڭ جىگەرلىلىگىن قولدايمىز. ورتالىق ازياداعى قاۋىپسىزدىك ماسەلەلەرىنىڭ وزەكتىلىگىنە قايتا نازار اۋدارۋدامىز. لاڭكەستىكتىڭ كەز-كەلگەن نىساندارى مەن كورىنىستەرىنە جول بەرىلمەۋى تيىستىگىن مالىمدەپ، اتالعان زۇلىمدىققا قارسى حالىقارالىق كۇش-جىگەردى بىرىكتىرۋگە شاقىرامىز»، - دەلىنگەن مالىمدەمەدە.

اۆتور: مارلان جيەمباي