گولوۆكين كۇشىن سىناماق بولعان جۋرناليستىڭ قولىن سىندىرا جازدادى
FightHub TV تەلەارناسىنىڭ ءتىلشىسى ماركوس ۆيللەگاس جاتتىعۋ جاساپ جاتقان گولوۆكيننىڭ بىلەك كۇشىن سىناعىسى كەلىپ، اينالشىقتاپ شىقپاي قويادى. «بىلەك كۇشىمدى بىلگىڭ كەلسە، ءما، قىسىپ كور» دەپ الاقانىن ۇستاتقانى سول- اق ەكەن، جۋرناليستىڭ ىشقىرىنعان داۋىسى شىعادى. سونداعىسى، ۆيللەگاس بوكسشىنىڭ سوققىسىنىڭ نە بىلەگىنىڭ ەمەس، بار بولعانى الاقانىنىڭ كۇشىن سەزىنگەن.
جۋرناليست مۇنى از كورگەن بولۋى كەرەك، سول قولىنىڭ دا كۇشىن سىناماق بولادى. العاشقى جاعداي بۇل جولى دا قايتالانادى، ءتىپتى، سول قولدىڭ كۇشى العاشقىسىنان دا باسىمىراق ەكەنىن بايقايدى. مۇنى ءجۋرناليستىڭ: «سۇمدىق- اي، نە دەگەن كۇش! قۇددى ءبىر 200 فۋنت تارتاتىن جىگىت قولىمدى قىسقانداي سەزىندىم» - دەگەن سوزدەرىنەن ۇعۋعا بولادى.
ايتا كەتەيىك، وتانداسىمىز 10 - قىركۇيەك كۇنى استانا ۋاقىتىمەن تۇنگى 23:00 دە لوندونداعى О2 ارەنادا بريتانيالىق بوكسشى كەلل برۋكقا قارسى كەزەكتى جەكپە- جەگىن وتكىزەدى. بوكس كەشىن «قازاقستان» جانە KazSport ارنالارى تىكەلەي ەفيردە كورسەتەدى.
