09:38, 31 - تامىز 2016 | GMT +5
دارىگەرلەر: الەۋمەتتىك جەلىلەر قارتتاردى قان قىسىمى مەن ديابەتتەن قورعايدى
استانا. قازاقپارات - الەۋمەتتىك جەلىلەر قارتتاردى قان قىسىمى مەن ديابەتتەن قورعايدى. بۇل تۋرالى 591 ەرىكتىگە زەرتتەۋ جۇرگىزگەن ميچيگان (ا ق ش) ۋنيۆەرسيتەتىنىڭ عالىمدارى مالىمدەدى.
قاتىسۋشىلاردىڭ ورتاشا جاسى 68 جاس بولعان. ولار زاماناۋي تەحنولوگيالار جايلى سۇراقتارعا جاۋاپ بەرگەن. رەسپوندەنتتەردىڭ %95 دان استامى جاڭا تەحنولوگيالارعا كوڭىلى تولاتىنىن ايتقان. %72 ى ولاردىڭ ءتىلىن ۇيرەنۋگە قارسى ەمەستىگىن بىلدىرگەن.
الەۋمەتتىك جەلىنى قولداناتىن قاتىسۋشىلاردىڭ ومىرگە دەگەن قۇشتارلىعى ەرەكشە بولعان. ولاردىڭ اراسىندا دەپرەسسيا مەن قان قىسىمىنىڭ كوتەرىلۋى، ديابەت سەكىلدى سوزىلمالى اۋرۋمەن اۋىراتىندار از.
ەرىكتىلەر الەۋمەتتىك جەلىلەر مەن سويلەسۋ قۇرالدارىنىڭ ارتىقشىلىعى كوپ جانە جاڭا تەحنولوگيالاردى ۇيرەنۋ پايدالى دەپ سانايدى، دەپ جازدى MED daily.
