گرۋزيادان شىعا الماي قالعان قازاقستاندىق جولاۋشىلار مىنگەن العاشقى ۇشاق اتىراۋعا قوندى

استانا. قازاقپارات - گرۋزيادان شىعا الماي قالعان قازاقستاندىق جولاۋشىلار مىنگەن العاشقى ۇشاق اتىراۋعا قوندى.

«ءبىزدىڭ رەيس اتىراۋعا كەلدى. ەندى ولار قازىر قاراعاندىعا قاراي ۇشپاق. بىزدە قانشا جولاۋشىلار بار ەكەنى تۋرالى مالىمەت جوق»، - دەپ حابارلادى Bek Air اۋە كومپانياسىنان.

بۇدان بۇرىن حابارلانعانداي، 26- تامىزدان 40 قازاقستاندىق تۋريست باتۋميدەن ەلگە ۇشىپ شىعا الماعان. بۇعان سەبەپ SKYBUS»  اۋە كومپانياسىنىڭ ۇشاقتارى ينسپەكتسيالىق تەكسەرۋ بارىسىندا قاۋىپسىزدىك تالاپتارىنا سايكەس كەلمەۋى سەبەپ بولعان.

ق ر ي د م ازاماتتىق اۆياتسيا كوميتەتىنىڭ اقپاراتى بويىنشا، وسى جىلدىڭ 4- تامىزى كۇنگى ق ر ي د م ا ا ك مەن «SKYBUS» اق- ڭ ءبىرىنشى باسشىسى قاتىسقان ماجىلىستە 2016-جىلدىڭ 15- تامىزىندا تۋريستىك فيرمالارعا قىزمەت كورسەتۋدىڭ اياقتالاتىنى تۋرالى شەشىم قابىلداندى.

سونىمەن قاتار، ق ر ي د م ازاماتتىق اۆياتسيا كوميتەتىنىڭ تۇراقتى تەكسەرۋ باعدارلاماسى بارىسىندا CF-2009-47 جانە CF-2013-10 ۇشۋ جارامدىلىعى جونىندەگى نۇسقاۋ مەرزىمى سايكەس كەلمەيتىنى انىقتالعان. وسىعان بايلانىستى 2016-جىلدىڭ 26- تامىزىنان باستاپ «SKYBUS» اق- نا قاراستى بورت نومىرلەرى UP- CJ009 جانە UP- CJ010 Bombardier CL-600-2B19 ۇشاقتارىنىڭ ۇشۋ جارامدىلىعى سەريتيفيكاتتارىن توقتاتۋ تۋرالى شەشىم قابىلدانعان.