قاسىم- جومارت توقايەۆ «يادرولىق قارۋسىز الەم قۇرۋ» حالىقارالىق كونفەرەنسياسىنا قاتىسۋشىلارمەن ءبىرقاتار كەزدەسۋلەر وتكىزدى
ءتوراعا بولگاريانىڭ ۆيتسە- پرەزيدەنتى مارگاريتا پوپوۆامەن كەلىسسوز وتكىزىپ، انتيادرولىق فورۋمداعى مازمۇندى ءارى جىلى شىرايلى سوزدەرى جانە پرەزيدەنت نۇرسۇلتان نازاربايەۆتىڭ «الەم. 21 - عاسىر» مانيفەسىن بەلسەندى قولداعانى ءۇشىن مەيمانعا العىس ايتتى.
ق. توقايەۆ بولگاريانىڭ يادرولىق قارۋدى تاراتپاۋ سالاسىنداعى كۇش- جىگەرى مەن يادرولىق سىناقتارعا جاپپاي تىيىم سالۋ تۋرالى شارتتىڭ تەزىرەك كۇشىنە ەنۋى قاجەتتىگىنە قاتىستى ەلدىڭ قاعيداتتى ۇستانىمىن قۇپتايتىنىن اتاپ ءوتتى. تاراپتار قازاقستان مەن بولگاريانىڭ پارلامەنتارالىق بايلانىستارىنىڭ جوعارى دەڭگەيىن، سونداي- اق ساۋدا- ەكونوميكا سالاسىنداعى اۋقىمدى كەلەشەكتىڭ بار ەكەنىن اتاپ ءوتتى.
استانا انتيادرولىق كونفەرەنسياسىنىڭ قورىتىندىلارى ق. توقايەۆتىڭ پان افريكالىق پارلامەنتتىڭ پرەزيدەنتى رودجەر نكودو دانگپەن كەزدەسۋىندە دە قارالدى. ق. توقايەۆتىڭ پىكىرىنشە، ر. دانگتىڭ سەمەي پوليگونىنىڭ جابىلۋىنا 25 جىل تولۋىنا ارنالعان فورۋمداعى ءسوزى قازاقستان حالقىمەن نيەتتەستىكتىڭ بەينەسى عانا ەمەس، ءبىزدىڭ ەلىمىزدىڭ افريكا ەلدەرىمەن قاتىناستاردى نىعايتۋعا يگى ىقپال ەتەدى. ءبىزدىڭ ەلىمىز ءىرى جانە ىقپالدى ايماقتىق پارلامەنتتىك بىرلەستىك - پانافريكالىق پارلامەنتپەن تىعىز بايلانىستار ورناتۋعا ىقىلاستى، دەپ اتاپ ءوتتى سەنات ءتوراعاسى.
بەيبىتشىلىك پەن قاۋىپسىزدىكتىڭ وزەكتى ماسەلەلەرى، سونداي- اق حالىقارالىق ىنتىماقتاستىقتى نىعايتۋداعى زاڭ شىعارۋ ورگاندارىنىڭ ءرولى سەنات ءتوراعاسىنىڭ ە ق ى ۇ پارلامەنتتىك اسسامبلەياسىنىڭ ۆيسە- پرەزيدەنتى، ازەربايجان ميللي مەدجليسىنىڭ دەپۋتاتى ازاي گۋليەۆپەن، سونداي- اق وڭتۇستىك افريكا رەسپۋبليكاسى پارلامەنتىنىڭ مۇشەسى يوحاننەس رازەريتي تاۋمەن كەزدەسۋىندە تالقىلاندى.
سول كۇنى ق. توقايەۆ ب ۇ ۇ باس حاتشىسىنىڭ قارۋسىزدانۋ ماسەلەلەرى جونىندەگى بۇرىنعى جوعارى وكىلى سەرحيو دۋارتەنى قابىلدادى.
