قاراعاندى وبلىسىنىڭ اكىمى: اتا زاڭىمىز - تابىستى بولاشاق كەپىلى

 استانا. قازاقپارات - دوستىق ۇيىندە قاراعاندى وبلىسىنىڭ اكىمى نۇرمۇحامبەت ابدىبەكوۆتىڭ ءتوراعالىق ەتۋىمەن قازاقستان رەسپۋبليكاسىنىڭ كونستيتۋتسياسى كۇنىنە ارنالعان «ازات ەلدىڭ ار- نامىسى - اتا زاڭ» اتتى دوڭگەلەك ۇستەل ءوتتى.

دوڭگەلەك ۇستەلدىڭ جۇمىسىنا قاراعاندى وبلىسى جۇرتشىلىعى وكىلدەرى، ەلباسىنىڭ قىزمەتتەستەرى، ارداگەرلەر، ءماسليحاتتار دەپۋتاتتارى، جۇمىسشىلار، كاسىپكەرلەر، جاستار وكىلدەرى، ءدىني كونفەسسيالار، ەتنومادەني بىرلەستىكتەر، دارىگەرلەر، سپورتشىلار، سوت، پروكۋراتۋرا، مادەنيەت قىزمەتكەرلەرى، مەملەكەتتىك ورگاندار باسشىلارى قاتىستى.

سالتاناتتى جاعدايدا قازاقستان رەسپۋبليكاسىنىڭ گيمنىن ورىنداي وتىرىپ، دوڭگەلەك ۇستەلدىڭ وتىرىسى اشىلدى.

قاراعاندى وبلىسىنىڭ اكىمى ءوز سوزىندە قازاقستان بيىلعى جىلى تاۋەلسىزدىكتىڭ 25 جىلدىعىن اتاپ وتەتىنى جانە وسى ۋاقىت ىشىندە ەلىمىز بارلىق سالادا ايتارلىقتاي جەتىستىكتەرگە قول جەتكىزگەنىنە ەرەكشە نازار اۋداردى. بۇدان ءارى اكىم: «... ەلباسىنىڭ باسشىلىعىمەن بەت العان باعىتىمىز ودان ءارى دە نىعايا تۇسەتىنى ءسوزسىز. ال تابىستى بولاشاق كەپىلى - اتا زاڭىمىز - قازاقستان رەسپۋبليكاسىنىڭ كونستيتۋتسياسى بولىپ تابىلادى...» - دەپ باسا ايتتى.

 ءىس- شارا سوڭىندا، قاراعاندى وبلىسىنىڭ اكىمى قازاقستان رەسپۋبليكاسىنىڭ كونستيتۋتسياسى كۇنىنىڭ قۇرمەتىنە، وبلىستىڭ الەۋمەتتىك- ەكونوميكالىق دامۋىنا، تاتۋلىق پەن كەلىسىمدى نىعايتۋ ىسىنە ۇلەس قوسقانى ءۇشىن ءبىرقاتار ادامدارعا العىس حاتتار تاپسىردى.

 شاراعا قاتىسۋشىلاردىڭ باستاماسىمەن دوڭگەلەك ۇستەل «اتامەكەن» پاتريوتتىق ءانىن ورىنداۋمەن اياقتالدى.