اتا زاڭىمىز ەلىمىزدەگى بارلىق ۇلتتار مەن ۇلىستاردىڭ وكىلدەرىنە تەڭ قۇقىقتى قامتاماسىز ەتۋدە - سەرگەي كۋلاگين
قۇتتىقتاۋ ماتىنىندە: «قۇرمەتتى اقمولالىقتار! بيىلعى جىلعى كونستيتۋتسيا كۇنىن ءبىز ەلباسى، ۇلت كوشباسشىسى نۇرسۇلتان نازاربايەۆ ەلىمىزدىڭ دامۋىنداعى تاريحي كەزەڭ دەپ اتاپ وتكەن قازاقستان رەسپۋبليكاسى تاۋەلسىزدىگىنىڭ 25 جىلدىعى اياسىندا اتاپ وتكەلى وتىرمىز.
وسىنداي مەرەكە كۇنى ءبىز مەملەكەت باسشىسى جۇرگىزىپ وتىرعان سىندارلى دا ساليقالى ساياساتتىڭ ارقاسىندا وتكەن عاسىردىڭ اياعىندا الەم كارتاسىندا ەگەمەن ەلدىڭ، ال، جالپى الەمدىك ساياساتتا «قازاقستاندىق دامۋ جولى» دەگەن جاڭا ۇعىم پايدا بولعانىن ەرەكشە ءبىر قۋانىشپەن سەزىنەمىز.
جالپى حالىقتىق رەفەرەندۋمدا رەسپۋبليكا ازاماتتارىنىڭ ءوز ەرىكتەرىمەن قابىلداعان اتا زاڭىمىز قوعامىمىزدىڭ قارقىندى دامۋى ءۇشىن جاعداي جاساپ، وتانىمىزدا تۇرىپ جاتقان بارلىق ۇلتتار مەن ۇلىستاردىڭ وكىلدەرىنە تەڭ قۇقىقتى قامتاماسىز ەتتى.
ءبىزدىڭ كونستيتۋتسيامىز قازاقستاننىڭ الەمنىڭ مەيلىنشە دامىعان وتىز ەلىنىڭ قاتارىنا كىرۋى جونىندەگى تاريحي ماقساتتارى مەن 2050 ستراتەگياسى مىندەتتەرىن جۇزەگە اسىرۋدىڭ بەرىك نەگىزى بولىپ تابىلادى. نەگىزگى زاڭنىڭ ەرەجەلەرىنە سۇيەنە وتىرىپ، ءبىز قوعامدا بەيبىتشىلىك پەن تىنىشتىقتى نىعايتۋعا، تۇلعانىڭ شىعارماشىلىق، زياتكەرلىك جانە كاسىبي الەۋەتىن جۇزەگە اسىرۋ ءۇشىن قاجەتتى جاعدايلار جاساۋعا، ءار ادامنىڭ ءال- اۋقاتىن قامتاماسىز ەتۋگە ۇمتىلامىز.
مەملەكەت باسشىسى بۇگىنگى تاڭدا اۋقىمدى مەملەكەتتىك باعدارلامالاردى، ەڭ الدىمەن، يندۋستريالدى- يننوۆاتسيالىق دامۋ جانە جاڭا الەۋمەتتىك ساياساتتى جۇزەگە اسىرۋ جونىندە ماڭىزدى مىندەتتەر قويىپ وتىر.
وسىنى ايقىن سەزىنگەن اقمولالىقتار اۋىل شارۋاشىلىعىن ءارتاراپتاندىرۋ ەسەبىنەن استانانىڭ اينالاسىندا سەنىمدى ازىق- تۇلىك بەلدەۋىن قۇرۋ جونىندەگى ەلباسىنىڭ تاپسىرماسىن بۇلجىتپاي ورىنداپ، پرەزيدەنتتىڭ باستاماسىنان باستاۋ العان كاسىپكەرلىكتى، ونەركاسىپتى دامىتۋ جونىندەگى جانە باسقا دا باعدارلامالاردى ورىنداۋ جولىندا ەسەلى ەڭبەك ەتۋدە.
ۇلت كوشباسشىسى قويعان مىندەتتەرگە سايكەس شۋچينسك- بۋراباي دەمالىس ايماعى قارقىندى دامۋدا. وبلىس ورتالىعى مەن شاعىن قالالاردىڭ ساۋلەتكەرلىك كەلبەتى جاقسارىپ، جولدار جوندەلۋدە جانە اۋلالار مەن كوشەلەر كوركەيتىلۋدە.
الەۋمەتتىك ارىپتەستىك نەگىزىندە اۋىلداردىڭ جاڭعىرۋى ءۇشىن جاعدايلار جاسالىپ، الەۋمەتتىك ينفراقۇرىلىم جاقسارتىلۋدا. دەنساۋلىق ساقتاۋ، ءبىلىم بەرۋ، مادەنيەت پەن سپورت سالالارىنىڭ دامۋىنا زور كوڭىل بولىنۋدە. وڭىرىمىزدە جاڭا مەكتەپتەر مەن اۋرۋحانالار بوي كوتەرىپ، مەكتەپكە دەيىنگى مەكەمەلەر جەلىسى كەڭەيتىلۋدە
قىمباتتى جەرلەستەر!
سىزدەر ەلىمىزدىڭ ءارى قاراي دامۋى ءۇشىن لايىقتى ۇلەس قوسىپ كەلەسىزدەر. سىزدەرگە شىن جۇرەكتەن زور دەنساۋلىق، جاقسىلىق، ەڭبەكتەرىڭىزگە تابىس جانە تاۋەلسىز قازاقستانىمىزدىڭ يگىلىگى ءۇشىن جاڭا بيىكتەردى باعىندىرا بەرۋلەرىڭىزگە تىلەكتەسپىن.
اقمولا وبلىسىنىڭ اكىمى سەرگەي كۋلاگين»، - دەپ كورسەتىلگەن.
اۆتور: اسلان وسپانوۆ
