باسپانا جالداۋ نارىعىنداعى احۋال قانداي؟
ال باسپانا جالداۋ نارىعىنداعى احۋال قانداي؟ تىلشىلەرىمىز زەرتتەپ كوردى.
حالقىنىڭ سانى جۋىردا ميلليونىنشى تۇرعىنمەن تولىققان استانادا كوشەدە كەزىككەن ءاربىر ەكىنشى ادامنان، شەشىلمەي تۇرعان ماسەلەڭىز قانداي، دەپ سۇراساڭىز، باسىم بولىگى «باسپانا جايى» ەكەنىن العا تارتادى. سۇرانىس بار جەردە پاتەردى جالداۋ اقىسى جوعارىلايتىنى بەلگىلى. ال كۇز كەلگەندە، ەلوردادا باسپانا جالداۋ قۇنى ادەتتەگىدەن شارىقتاي تۇسەتىنىن بايقايسىز. ريەلتورلار تابۋ كەرەك. ولارعا پروتسەنتىن بەرۋ كەرەك. كۆارتيرانى 100 مىڭعا تاۋىپ بەرسە، 10 پايىزىن الادى. ال ەگەر وسى ستۋدەنتتەر كەلگەن ۋاقىتتا بولسا، ولار ودان كوپ تە سۇراۋى مۇمكىن.
جايلى پاتەر ىزدەگەن ادامنىڭ جالعا بەرۋشىنىڭ وزىنە جەتۋى قيىننىڭ قيىنى. سەبەبى دەلدالدار قاپتاپ ءجۇر. ورتادا ءجۇرىپ ەكى جاقتى كەلىسىمگە كەلتىرگەنى ءۇشىن سىزدەن دە، ءۇي يەسىنەن دە تيەسىلى پايىزىن الادى. تەك ولاردىڭ بارلىعى بىردەي زاڭ اياسىندا جۇمىس ىستەپ ءجۇر دەگەنگە سەنۋ قيىن. م
ارات ياكۋپوۆ، ريەلتورلىق كومپانيانىڭ ديرەكتورى:
ريەلتور كومپانيانىڭ اتىنان وزىنە بەرىلگەن سەنىمحاتتى كورسەتۋى كەرەك. جۇمىس ورنى، جەكە مالىمەتتەرى مەن لاۋازىمى كورسەتىلەدى. كەلىسىم جاساسقاندا، سىزگە تۇرعىن ءۇي تاۋىپ بەرگەن مەكەمەنىڭ ءمورى باسىلۋى ماڭىزدى. سەبەبى باسپانا يەسى مەن جالعا الۋشى اراسىندا تۇسىنىسپەۋشىلىك ورىن السا، كومپانيا كۋاگەر رەتىندە جاۋاپ بەرەدى.
پاتەر جالداۋ كورسەتكىشى بويىنشا بىرنەشە قالانى سالىستىرىپ كورەلىك. 1 بولمەلى باسپانانى ورتا ەسەپپەن پاۆلودار قالاسىنان 45-50 مىڭعا، شىمكەنتتە 55-60، قاراعاندىدا 60-65، الماتىدا 70-75، ال استانادا كەم دەگەندە 90000 تەڭگەگە تابا الاسىز. ەل استاناسىندا جالعا بەرىلەتىن پاتەرلەر سانى 21 مىڭنان اسادى ەكەن «كرىشا ك ز» سايتىنىڭ اقپاراتى وسىنداي. بولمە سانى مەن ورنالاسقان اۋدانىنا باعا دا ءارقيلى. ال باعانىڭ ماۋسىمىنا قاراي وزگەرىپ تۇرۋى ادامي فاكتورلارعا بايلانىستى. ياعني ءاربىر قوجايىن قالاۋىنا قاراي قۇن سۇراۋعا قۇقىلى. بۇل بيزنەستە وڭاي اقشا تاپقىسى كەلەتىندەر وتە كوپ. زاڭسىزدىققا بارعاندار جازاسىز قالمايدى، ارينە.
سوفيا قىلىشبەكوۆا، استانا قالاسى ءى ءى د باسپا ءسوز قىزمەتىنىڭ جەتەكشىسى:
الاياقتىق فاكت ورىن الاتىن بولسا، بۇل ق ر قىلمىستىق كودەكسىنىڭ 195 - بابى، ياعني الداۋ ارقىلى مۇلىكتىك زازال كەلتىرۋ بويىنشا قارالادى. بۇل باپتىڭ سانكسياسى 300 ايلىق ەسەپتىك كورسەتكىش كولەمىندە ايىپپۇل سالىنادى نەمەسە 5 جىلعا دەيىن باس بوستاندىعىنان ايىرىلۋى مۇمكىن.
جاقسىبەك ايمبەتوۆ، زاڭگەر:
ولار كۆيتانتسيا، چەك بارلىعىن الۋى كەرەك. اقشاسىن بەرىپ جاتقان سوڭ، سۇراسىن. ەگەر پاتەر يەسى بەرە المايمىن دەسە، قولحات جازدىرىپ العان دۇرىس. وسىنشا اقشانى الدىم دەپ. ويتكەنى ەرتەڭ ءۇي يەسى ايتۋى مۇمكىن، ەشقانداي اقشا بەرگەن جوق دەپ. سول ۋاقىتتا قالاي دالەلدەيدى؟
پاتەردى زاڭسىز جالعا بەرۋ كۇن تارتىبىنەن ەش تۇسپەي كەلە جاتقان تاقىرىپ. استانا قالالىق مەملەكەتتىك كىرىستەر دەپارتامەنتىنىڭ دەرەگى بويىنشا قازىر ەلوردادا تۇرعىن ءۇي قورى 238 مىڭ پاتەردى قۇرايدى. وسى باسپانالاردىڭ شامامەن 10 پايىزدايى جالعا بەرىلەدى. زاڭدى تۇردە بەرىلىپ، سالىق تۇسىرەتىنى 9,7 مىڭداي پاتەر، وزگە 14 مىڭى كولەڭكەدە. مۇندايلاردى بولدىرماۋ ءۇشىن، جەرگىلىكتى پوليتسيا، پاتەر يەلەرى كووپەراتيۆى استانا قالالىق اكىمدىگىمەن بىرلەسە جۇمىس اتقارۋدا. ناتيجەسى جامان ەمەس.
ەرجان بەكتىبايەۆ، استانا قالاسى بويىنشا مەملەكەتتىك كىرىستەر دەپارتامەنتىنىڭ ءبولىم باسشىسى:
جىل باسىنان بەرى 550 فاكت انىقتالدى. ونىڭ 224- ءى جەكە كاسىپكەر رەتىندە تىركەلدى مەملەكەتتىك كىرىستەر ورگاندارىنا. قالعان 177 جەكە تۇلعا رەتىندە سالىق ەسەبىن تاپسىرىپ 18,5 ميلليون تەڭگە سالىق تولەدى بيۋدجەتكە.
جالعا پاتەر الۋدا كەلەڭسىزدىكتەن اۋلاق بولۋ ءۇشىن، ءوزارا ءتيىمدى كەلىسىمشارت جاساسۋ ماڭىزدى. ال پاتەرىن زاڭسىز تۇردە جالعا بەرەتىندەردى انىقتاپ، بۇل ماسەلەنى ءبىر جۇيەگە كەلتىرۋ قاجەتتىگى الدەقاشان تۋىنداعان. باسپانا ماسەلەسىن نىساناعا العاندا پاتەردى جالعا بەرۋ قىزمەتىندە جاڭا ۇسىنىستىڭ پايدا بولعانىن بايقادىق.
كرىشا ك ز سايتىنىڭ مالىمەتىنشە، ەلوردالىق قوناق ۇيلەر دە ءدال وسى كاسىپكە شىنداپ كىرىسپەك نيەتتە. ماسەلەن، ءبىر بولمەنىڭ قۇنى شامامەن 80000 تەڭگەنى قۇرايدى دەلىنگەن. بۇل باعانىڭ ىشىنە ۋاي فاي جەلىسى، كابەلدى تەلەارنا، كوممۋنالدى قىزمەت، كونديتسيونەر جانە اپتاسىنا ءبىر مارتە تازالىق جۇمىستارىن قوسا كىرەدى. اتالعان جاڭاشىلدىق قانشالىقتى سۇرانىسقا يە بولادى؟ ءبىز بۇل تاقىرىپقا الداعى ۋاقىتتا توقتالاتىن بولامىز.
ASTANATV. KZ
