12:43, 30 - تامىز 2016 | GMT +5
كلينتون ۇلتتىق قاۋىپسىزدىك ماسەلەلەرى بويىنشا كەڭەستەر الدى
استانا. قازاقپارات- ا ق ش پرەزيدەنتى سايلاۋىنا ءتۇسىپ جاتقان حيللاري كلينتون ۇلتتىق قاۋىپسىزدىك ماسەلەلەرى بويىنشا ارنايى قىزمەت وكىلدەرىنەن كەڭەستەر الدى. كلينتون سايلاۋعا دەموكراتيالىق پارتيا اتىنان ءتۇسىپ وتىر.
«امەريكا داۋىسى» راديوسىنىڭ حابارلاۋىنشا، ا ق ش- قا ءتونىپ تۇرعان قاۋىپ- قاتەرلەر تۋرالى ەكى ساعاتتىق اڭگىمە نيۋ- يورك شەتىندەگى فەدەرالدىق مەكەمە عيماراتىندا وتكەن. بۇل جەر كلينتوندار ۇيىنە دە جاقىن.
ا ق ش- تا پرەزيدەنت سايلاۋىنا ءتۇسىپ جاتقان نەگىزگى كانديداتتار مەن ولاردىڭ كەڭەسشىلەرى قاۋىپسىزدىك ماسەلەلەرى بويىنشا قۇپيا اقپاراتتاردى قالاي پايدالانۋ كەرەك ەكەنى جونىندە نۇسقاۋلىق الۋعا مىندەتتى. اڭگىمەنى ا ق ش ۇلتتىق بارلاۋ باسقارماسى باستىعى جۇرگىزەدى. بۇل داستۇرگە 60 جىل تولدى.
كلينتوننىڭ سايلاۋداعى نەگىزگى قارسىلاسى - رەسپۋبليكاشىل دونالد ترامپ. ول دا وسى ايدا ۇلتتىق قاۋىپسىزدىك تۋرالى كەڭەستەر العان.
