12:22, 30 - تامىز 2016 | GMT +5
يراندا يادرولىق كەلىسسوزگە قاتىسۋشىلاردىڭ ءبىرى ۇستالعان
استانا. قازاقپارات - يران بيلىگى الەمدىك دەرجاۆالارمەن يادرولىق كەلىسسوز جۇرگىزگەن دەلەگاتسيا مۇشەلەرىنىڭ ءبىرى ۇستالعانىن حابارلادى.
كەيبىر مالىمەتتەر بويىنشا، ول الدىن الا تەرگەۋ كامەراسىندا بىرنەشە كۇن وتىرعان سوڭ كەپىلگە بوساتىلعان. ءبىراق وعان قارسى تەرگەۋ جالعاسىپ جاتىر.
سوت ورگانىنىڭ وكىلى دەلەگاتسيانىڭ اتى- ءجونى اتالماعان وكىلىن «كەلىسسوزگە قاتىسۋشىلار كومانداسىنا كىرگەن تىڭشى» دەپ اتادى. جەرگىلىكتى اقپارات قۇرالدارى ۇستالعان ادامنىڭ ابدولراسۋل دورري ەسفاحاني ەكەنىن ايتادى. ول يران مەن كانادانىڭ ازاماتى جانە وتكەن جىلى تەگەراننىڭ يادرولىق باعدارلاماسىن شەكتەپ، سانكسيانى جويۋ تۋرالى كەلىسسوزدە يران دەلەگاتسياسى قۇرامىندا جۇمىس ىستەگەن.
2015 -جىلى شىلدەدە جاسالعان كەلىسىم بويىنشا يران يادرولىق باعدارلاماسىن كادىمگىدەي شەكتەپ، بۇل ەلگە سالىنعان ەكونوميكالىق سانكسيالار جويىلعان.
