11:52, 30 - تامىز 2016 | GMT +5
قىرعىز قۇقىق قورعاۋ ورگاندارى قىتاي ەلشىلىگى ماڭىندا بولعان وقيعانى تەراكت دەپ باعالاۋدا
بىشكەك. قازاقپارات - قىرعىز قۇقىق قورعاۋ ورگاندارى قىتاي ەلشىلىگى ماڭىندا بولعان وقيعانى تەراكت دەپ باعالاۋدا، دەپ حابارلايدى قازاقپارات ءتىلشىسى.
بۇگىن بىشكەكتە ورنالاسقان قىتاي ەلشىلىگى ماڭىندا جارىلىس بولدى. الدىن الا مالىمەتتەر بويىنشا، قۇقىق قورعاۋ ورگاندارى وقيعانى تەراكت دەپ باعالاۋدا. مەكەمەنىڭ باتىس قاقپاسىن بۇزىپ كىرگىسى كەلگەن Mitsubishi Delica كولىگى جارىلعان.
جارىلىس سالدارىنان اۆتوكولىكتە بولعان جۇرگىزۋشى قازا تاپقان جانە قاۋىپسىزدىك قىزمەتىنىڭ ءبىر قىزمەتكەرى زارداپ شەككەن. جۇرگىزۋشىنىڭ اتى- ءجونى انىقتالۋدا. ديپلوماتتاردىڭ ەشقايسىسى زارداپ شەككەن جوق.
وقيعا ورنىندا قىرعىزستان ۇلتتىق قاۋىپسىزدىك مەملەكەتتىك كوميتەتى لاڭكەستىككە قارسى ورتالىق قىزمەتكەرلەرى جۇمىس ىستەپ جاتىر.
