ريودا جانعان جۇلدىزى

استانا. قازاقپارات - باقىتبەك سماعۇل، ق ر پارلامەنتى ءماجىلىسىنىڭ دەپۋتاتى، «قازاقستان ارداگەرلەرى» قاۋىمداستىعىنىڭ ءتوراعاسى:

جاۋىرىنى جەرگە تيمەگەن،

جاۋىنا باسىن يمەگەن.

قازاعىم، ەلىم، جۇرتىم دەپ،

نامىسىن ورگە سۇيرەگەن!

جارقىراپ كۇندەي نۇر- ءجۇزى،

ريودا جانعان جۇلدىزى.

التىننان القا تاققىزعان،

قازاقستاننىڭ ۇل- قىزى!

تۋ قىلىپ كوككە ارىمدى،

تاسىتىپ بويدا قانىمدى،

قازاقتىڭ كۇللى نامىسى،

جانارتاۋ بولىپ جارىلدى.

ءور رۋح تۇنعان ءار تاسى،

ماڭگىلىك ەلدىڭ كارتاسى.

الەمگە بۇگىن تانىلسا،

تاۋەلسىزدىگىمنىڭ ارقاسى!

الىنعان ءاربىر التىننان،

جاسىن وتى جارقىلدار.

وليمپتىڭ اسقار بيىگىن،

باعىندىرعان نار تۇلعا!

كوكىرەگىنە ار تۇنعان،

اينالدىم اسىل حالقىمنان!